Zinegoak 2010, Bilboko Gay-Lesbo-Trans Nazioarteko, Zine Jaialdia, urtarrilaren 29tik otsailaren 6ra arte egingo da Arriaga Antzokian, Capitol Zinematan, Guggenheimen, Bilborocken eta Fnacen. Horren ondotik, otsailaren 7tik 14ra, Zinegoakek jaialdiaren zati txiki bat eramango du, eredu gisa, hainbat euskal udalerritara (tartean Getxora), era honetako zinemagintza hiri handietatik ateratzearen aldeko apostua egin baitute.Aurten, Berlineko harresia jausi zeneko 20garren urteurrena ospatzeko omenaldia egingo dute, sasoi horretan girotuta eta 2010eko Ohorezko Saria jasoko duenak zuzendutako luzemetraia emanez. Saridunaren izena urtarrilaren 20an ezagutuko da.
Labels: gay, Getxo, getxoblog, Lesbo, transexual, zinegoak, zinema
”Zinegoak”, gay-lesbo-trans Zinemaldia Getxora iritsiko da datorren ostegunean, otsailaren 12an. Algortako Kultur Etxean eskainiko dituzte bi laburmetrai eta bi dokumentalen emanaldiak. Hauetan hainbat gai aztertzen dira, hala nola, homosexualak diren bikoteek umeak adoptatzeko aurkitzen dituzten zailtasunak (”Home baby boom”), banatu ostean alabatik urrun egoteak bi gizoneei eragiten dien samina ere aztertzen da (”Every other weekend”), sexu bereko bikote bezala hazteko zailtasunak bietako baten semea aurka dagoelako (”Tryout”) eta pertsona homosexual bat xiringaz ereintzeko legedi batzuk dituzten eragozpenak (”Pida kiini”). Emanaldia 20:00etan hasiko da aipatu aretoan eta sarrera dohan izango da.Labels: gay-lesbo-trans, kultura, zinegoak, zinemaldia
ZINEGOAK 08: “Freeheld” Oskar sarientzako nominatutako dokumentala Villamonten
Egilea: Imanol Landa. 2008/01/29. Ordua: 2:19 PM.
Iruzkinak: 0
“Freeheld” dokumentala, Oskar sarientzako nominazioa jaso du dokumental laburren kategorian, eta “Dos Miradas” luzemetraia proiektatuko dira ostegunean, hilak 31, Algortako Kultur Etxean Zinegoak, gay-lesbo-trans IV. Zinemaldiaren barruan. Hegoak antolatuta, zinemaldiak ,otsailaren 10arte Euskadiko hainbat udalerrietatik pasatuko da.
Hau da Zinegoak Getxora datorren laugarren urtea eta helburua oso garrantzitsua da, gay, lesbiana eta transexualeen eskubideen alde lan egiten duelako normalizazioa lortzeko; pertsona hauek bere izaera naturaltasunarekin bizitzeko eskubidea eta beharra dute, berdintasuna eskubidea bultzatzen du ezberdintasunatik.
Labels: gay, lesbiana, transexual, zinegoak
