Labels: Getxo, getxoblog, Hirigintza, igogailua, TB, Villamonte
Atzo, Ereagako igogailuarentzako klimatizagailu bat erosteko dekretua sinatu nuen eta datorren hilerako egongo da bertan ipinita eta martxan.Ekipo berriak instalazioa freskatuko du eta horrela erabiltzaileek bidaia erosoago egingo dute, batez ere udaldian, bidaia laburra den arren, eguzki izpiek zuzenean jotzen baitute igogailuan, bero handia eraginez. Zerbitzu hau erabiltzen duten askok Udaletxeari sarritan eskatutakoari erantzunez
Airea girotzeko gailua, abuztuaren amaieran ipiniko dute, igogailuaren ikuskatze lanak egiteko derrigorreko etenaldiarekin batera. Horri esker zerbitzua ez da etenda egongo behar baino egun gehiago, batez ere, kontuan hartuta udaldian erabiltzen dela gehien zerbitzu hau.
Igogailua, erabiltzaileen gustokoa den zerbitzua da, ondo estimatzen dutena, eta gero eta lagun gehiagok erabiltzen dutena.
Instalazio berri honen bitartez, hiritarrak eskertuko duten zerbitzua eskeintzen dugu eta udal ekipamenduen hobekuntzekin jarraitzen dugu.
