Errekagane parkea urbanizatzeko lanak hasi dira
Egilea: Imanol Landa. 2009/05/18. Ordua: 8:45 AM.
Iruzkinak: 0
Getxoko Udalak Romoko Errekagane parkea (Arenas Club parkea izango dena) urbanizatzeko lanak hasiko ditu gaur.
Lanei esker egungo espazioak berrantolatuko dituzte, bidegorri bat eginez eta oinezkoentzako pasealeku osoa zaharberrituz. Negubide kalean parkearekin dagoen lotunea egokitu egingo da: muinoa kendu egingo da, eta errekarako eustorma beheititu egingo da. Lanak egingo diren azalera 5.7000 metro koadrokoa izango da.
Lanak egiteko aurrekontua 394.541 €koa izango da, eta horiek egiteko epea, berriz, bi hilabete eta erdi.
Getxoko Udalak jarritako seinaleei adi egoteko eskatzen du, eta barkatzea eskatzen du, era berean, lanen ondorioz gerta daitezkeen eragozpenengatik.
Lanei esker egungo espazioak berrantolatuko dituzte, bidegorri bat eginez eta oinezkoentzako pasealeku osoa zaharberrituz. Negubide kalean parkearekin dagoen lotunea egokitu egingo da: muinoa kendu egingo da, eta errekarako eustorma beheititu egingo da. Lanak egingo diren azalera 5.7000 metro koadrokoa izango da.
Lanak egiteko aurrekontua 394.541 €koa izango da, eta horiek egiteko epea, berriz, bi hilabete eta erdi.
Getxoko Udalak jarritako seinaleei adi egoteko eskatzen du, eta barkatzea eskatzen du, era berean, lanen ondorioz gerta daitezkeen eragozpenengatik.
Labels: Arenas club, blogetxo, errekagane, getxoblog
Erromoko Errekagane kalea eta parkea hobetzeko lanak eta bidegorri berria
Egilea: Imanol Landa. 2008/02/28. Ordua: 3:22 PM.
Iruzkinak: 0
Erromoko Errekagane kalea eta parkea hobetzeko lanek 1.650.000 euroko inbertsioa ekarriko du. Bi hilabete inguruko epean hasiko dira Gobela ibaiaren paretik doan Erromoko Errekagane kaleko lanak, bertako parkea berantolatzeko helburuarekin. Horretarako bidegorri bat egingo dute eta oinezkoentzako pasabidea zaharberrituko dute, Ezequiel Agirre kaleko zubia gurutzatu ondoren dagoen parkearekiko lotura barne. Hobekuntza horrekin egungo pasabidea zabaldu nahi da eta aldi berean, aipatu bezala, bizikletetarako bidea egokitu ere. Ezequiel Agirre kaleko beste aldean dagoen enparantzari dagokionez, egun dagoen mendixka txikia kendu egingo da, azalera hori zolatzeko eta horrela irisgarritasuna errazteko.
Errekagane kalean aurrera eramango dituzten lanen aurrekontua 1.120.000 eurokoa izango da. Han espaloia zabalduko dute eta ezintasunak dituzten pertsonentzat aparkatzeko tokiak ipiniko dituzte; kable elektrikoak kenduko dituzte; hiri hornigarri berriak jarriko dituzte eta oinezkoari lehentasuna emateko oinezkoentzako pasabideak era ezberdinean zolatuko dituzte.
Errekagane parkeari dagokionez, inguru horretako urbanizazio proiektuaren zenbatekoa 529.000 eurokoa izango da eta helburua parkea oinezkoentzako bideen bitartez berantolatzea da. Oinezkoen bidearen zoladura berrituko da, zabalera handiago emanez eta bidegorri bat egokituko da. Lanak egiteko epea 3 edo 4 hilabetekoa izango da
Labels: bidegorria, errekagane, Hirigintza, parke
