Imanol Landaren bloga

Getxoko Jabekuntza Eskolak, Basaurikoarekin, Ondarroakoarekin eta Ermuakoarekin batera, ikasturteari amaiera emateko jardunaldia antolatu du datorren ekainaren 6rako “Andrés Isasi” Musika Eskolan, eskoletako ikasleei zuzenduta.

Jardunaldia 11:00etan hasiko da Basauriko Jabekuntza Eskolako Antzerki taldearen emanaldiarekin. Ondoren Nekane Jurado eta Mertxe Larrañaga ekonomilariek “Krisi ekonomikoa eta emakumeongan duen eragin zehatza” gaiaz hitz egingo dute. Eztabaidaren ostean, Ohiulari Klown taldeak klownondorioak aurkeztuko ditu eta 14:30ean ontziaren irteera izango da Areetako ontziralekutik Bilboko Itsas Museoraino. Han, 15:30ak aldera, amaiera emango diote ekimenari.

Parte hartu ahal izateko izena eman behar dute interesdunek Getxoko Berdintasun Zerbitzuan, Hirritaren Arretarako Bulegoan edo berdintasuna@getxo.net posta elektronikora bidali fitxa. Izena emateko epea datorren maiatzaren 28an amaituko da. Informazio gehiago 94 466 01 36 telefono zenbakian.

Labels: berdintasuna, blogetxo, emakumeak, getxoblog

Labels: bizkerre, emakumeak, futbola

Rayo Vallecano Taldea izango da Bizkerre F.T.k Getxoko Udalaren babespean antolatutako Getxoko Emakumeen III Futbol Txapelketaren nobedade nagusia. Apirilaren 18ean eta 19an jokatuko da Bolue eta Fadurako udal futbol zelaietan. Izan ere, talde madrildarra –egungo Superligako liderra- aurten ere punta puntako taldeak batuko dituen Txapelketara bilduko da, bertan Athletic Club, F.C. Barcelona, Prainsa Zaragoza, Oviedo Moderno –egungo txapelduna- eta etxekoak, Bizkerre F.T., izango baitira.

Bizitza laburra badu ere, txapelketa hau Estatuan emakumezkoen futbolaren jai nagusienetakoa da. Jokalariek, maila goreneko eta giro aparta izan ohi duen lehiaketa jokatzeaz ezezik, adiskidetasun harremanak abiatzen dituzte ere, Txapelketan zehar mahai berean esertzen baitira eta bestelako ekitaldietan batera parte hartzen baitute, berbarako, aurten Bizkaiko Zubira, Gizadiaren Ondare eta Getxoko irudirik enblematikoena dugun horretara antolatutako bisitaldi gidatuan egingo duten bezala.
Horregatik guztiagatik, herritarrak animatu nahi ditut Emakumezkoen Futbol Txapelketa hau ikustera hurbil daitezen erakargarri asko eta asko baititu. Nabarmendu nahi dut, ganera, andrazkoen kirolaren alde udalerrian egiten ari den lana, eta bereziki, futbolaren alde, Bizkerreren ekimena bezalakoari esker bidea egiten ari delako.

Bizkerre F.T.-ren buruak, Jose Mari Bravok, bere aldetik, esan du “talde hauen presentziarekin Emakumezkoen Futbola ezagutu eta bultzatzeko urrats bat gehiago emango delakoan gaude. Ziur nago Txapelketa berriro ere arrakastatsua izango dela eta bai gure udalerrian bai geure Taldean emaitza onak utziko dituela”. Hogeita hamar urtertik gora Getxon futbola eta, batez ere, emakumezkoena bultzatzen ari den elkartea da Bizkerre. Halaber, Bravok aurreratu du harremanetan ari direla talde ingeles eta frantziarrekin datorren urtean Txapelketa nazioarte mailakoa izan dadin.



Lehiekateri berari dagokionez, Txapelketaren aurreneko fasean, larunbata 18an, bi multzotan banatuta jokatuko dute. A multzoan Athletic, Prainsa eta Bizkerre F.T. izango dira eta B multzoan, Barcelona F.C, Oviedo Moderno eta Rayo Vallecano. Elkarren aurka jokatuko dute goizeko 10:00etatik aurrera Bolueko zelaietan, eta partidu bakoitzak 25 minutuko bi zati izango ditu.
Hurrengo egunean, igandea 19an, finalerdiak eta finala jokatuko dira. Finalerdiak Bolueko zelaietan izango dira 10:00etatik aurrera ere, 25 minutuko bi zatiko partidutan.
Finala, berriz, Faduran jokatuko dute 12:00etan, 40 minutuko bi zati izango duen partiduan. Finala hasi aurretik emakumezkoen futbolaren “Getxo” marka aurkeztuko dute modu ofizialean.


MP3 fitxategiaren deskargarekin nire adierazpenekin.

Labels: bizkerre, emakumeak, futbola

Hiri segurtasunari buruzko azterketa egin nahi da

Getxoko Udaleko Berdintasun Zerbitzuak, udalerriko emakume elkarteekin batera, lantegi batzuk antolatu ditu “hiri debekatuaren mapa” egin aldera. Ekimenaren helburua izango da gizon eta andreen eguneroko bizitzan hirigintza garapen desberdinek duten eragina aztertzea. Ekimen hauxe izango da datorren martxoaren 8an, igandean, ospatuko den Emakumeen Nazioarteko Egunaren inguruan aurten antolatutako ekitaldien ardatz nagusia, “Hiri debekatua. Hirigintza, inseguritatea eta emakumeak” lelopean. Aurtengorako aukeratutako gai nagusia kalea emakumeentzat aldarrikatzea eta aldi berean emakumeak hirigintzako diseinuan kontuan hartzea izan da.
Tailerrek hirigintza genero ikuspegitik aztertu nahi dute eta horregatik helburua hiri segurtasunaren inguruko diagonostikoa egitea da, udalerriko hiri diseinuari lotutako segurtasun arazo nagusiak aztertuz, hala nola, kale azpiko pasabideak, argi gutxi duten lekuak, ikuseremu gabeko bazterrak…aztertuz. Mugikortasuna, gune publikoak zaintzeko erreztasunak, bizikidetza, umeen autonomia eta beste gai batzuk ere aztertuko dituzte. Ondoren genero ikuspegitik hiri mapa egingo dute, hiri debekatuaren mapa alegia, eta jokatzeko proposamena udal zerbitzu teknikariei aurkeztuko diete, udalerriko hiri diseinua egiterakoan emakumezkoak kontuan har ditzaten.
Tailerrak martxoaren 6tik 13ra bitartean egingo dituzte Romoko Nagusien Etxean, Areeta, Neguri eta Romo bertako andreentzat eta Andra Marin auzo horretakoentzat. Algortako taldea Villamonteko Kultur Etxean bilduko da martxoaren 7tik 14ra. Berdintasunerako Zerbitzuan (ostiralerako) eman behar da izena eta doan da, baita berdintasuna@getxo.net-en, eta haurtzaindegi zerbitzua eskatu nahi dutenek bihar, martxoaren 4a baino lehen egin beharko dute.

Bestelako jarduerak
Tailerrekin batera, ostiralean, martxoaren 6an, goizeko 10:00etatik aurrera udalerriko emakumeek V.horma-irudian parte hartu ahal izango dute Algortako San Nikolas plazan. Amaitutakoan Urgull kalean kokatuko dute, iaz burututakoa ordezkatzeko. Ondoren, 12:30ean emakume elkarteen eta erakundeen komunikatua irakurriko dute.
Berdintasun Zerbitzuak kultur ekitaldi batzuk ere antolatu ditu, tartean, martxoaren 10ean “Mujeres pluscuamperfectas” titulupeko liburua aurkeztuko du Diana Raznovich egileak Algortako Kultur Aretoan eta hilaren 15ean Dar-Dar Produkzioak taldearen eskutik, “Menú del día” izeneko antzezpena izango da Areetan, Andres Isasi Musika Eskolan.
Datorren martxoaren 17an, bisita gidatua izango da Bilboko Arte Ederretako Museora, “emakumeen errepresentazioa artean” gaia lantzeko. Izenemateak doakoak izango dira eta interesatuek Berdintasun Zerbitzuan egin beharko dute.
Azkenik, martxoaren 17tik 28ra, Enrique Pimoulier Laspeñas argazkilariaren “Las mujeres en los movimientos indígenas” erakusketa ikusi ahal izango da Romoko Kultur Aretoan.

PDF fitxategiaren deskarga egitarauarekin.

Labels: berdintasuna, emakumeak

Udal Berdintasun Zerbitzuak egungo gai batzuei buruzko 4 eztabaida saio antolatu ditu, Feminarioak izenpean, Emakumeentzako Jabekuntza Eskolaren barruan.



Otsailak 27 eta 28: “Boterea eta partaidetza: Genero begirada bat politikari” Apirilak 3 eta 4: “Negarra eta fusilatik haratago: emakumeak bakea eraikitzen”
Apirilak 24 eta 25: “Feminismoa eta ekologia: naturaren aurkako aliantza bat?"
Maiatzak 29 eta 30: “Emakumeenganako indarkeriaren aurkako borrokaren dilemak”

Ekimenaren helburuak proposatutako gaien inguruan dauden eztabaidak ezagutaraztea, hausnarketa bultzatzea, iritziak jaso eta elkartrukatzea eta ikuspegi feminista batetik aztertzea dira.

Dominique Saillardek, Berdintasuneko eta gatazkak konpontzeko alorretako adituak zuzenduko ditu saio guztiak. Villamonteko Kultur Aretoan izango diren lau saioetarako izenematea egiteko epea otsailaren 2tik 10era izango da udalerriko Hirritaren Arretearako lau bulegoetan, hau da, Udaletxekoan, Algortakoan, Andra Marikoan eta Romokoan eta Udaltzaingoko Hirritaren Arretarako Gunean ere. Seminario bakoitzeko prezioa 5 eurokoa izango da eta informazio gehiago lortzeko Udal Berdintasun Zerbitzuko 94 466 01 36 telefono zenbakira edo berdintasun@getxo.net posta elektronikora jo dezakete interesatuek. Haurtzaindegi zerbitzua izango da.

Labels: berdintasuna, emakumeak, Emakumeentzako Jabekuntza Eskolak, feminarioak

Cristina Ayuso historialariak irabazi du Getxoko Udaleko Berdintasun Zerbitzuak antolatutako “Emakumeen ekarpena Getxoko historian” ikerketa beka “Lehenengo getxotarrak: emakumea Getxoko historian (XIV-XVII mendeen artean) izeneko proiektuarekin.
Berdintasun Zerbitzuak lehenengo aldiz antolatutako ikerketa bekaren helburua Getxoko emakumeek historian zehar edozein alorretan bete duten paperaz datu berriak argitaratzea edo datu jakinetan sakontzea da.
Deialdira 12 proiektu aurkeztu dira, 5 getxotarrek aurkeztutakoak eta denetariko gaiak aztertzeko, tartean emakumeen papera arte, historia, erlijioan, kirol edo elkarteen munduan. Azkenean Erdi Aroan Getxoko emakumeen ekarpenari buruzko ikerketa aukeratua izan da, proiektuaren kalitateagatik eta garai horri buruzko ikerketak eduki dezakeen nobedadeagatik.
Cristina Ayuso, Durangokoa da, 33 urte ditu eta Historian Lizentziatua da. 7.000 euro jasoko ditu, orain %75ª, eta gainerakoa behin betiko txostena ematen duenean, datorren abenduaren 15a baino lehen.

Labels: beka, berdintasuna, emakumeak

Egon ginen bai, atzo Areetan emakumeen kontrako indarkeriaren aurka adierazteko konzentrazioan, baina ez nuen gizon gehiegirik ikusi bertan. Non daude gizonak?

Labels: emakumeak, indarkeria

Azaroaren 25ean, Emakumeenganako Indarkeriaren Aurkako Nazioarteko Egunean, erakutsi indarkeria matxistaren aurka zaudela. Honi erantsitako kartela zure leihoan jartzeko proposamena egiten dizugu. Lila koloreko biribil bat da, zeinak emakumeenganako indarkeriari esandako EZ sinbolizatzen duen. Euskadiko 71 udal ari dira 500.000 etxetako postontzietan sartzen. Zeuk ere lor dezakezu webgune honetan:

Sinbolo honekin, puntu hauekin, herritar bakoitzaren puntuekin, jarrera komun bat erakutsi nahi dugu, hau da, gizarte osoa indarkeria sexistako jarrera eta jokabide ororen aurka dagoela. Espazio publiko guztia okupatu, Euskadiko etxe guztietatik.

Erakutsi jendaurrean emakumeenganako indarkeriaren aurka zaudela.

Egin zaitez ekintza honen konplize.

Labels: emakumeak, Emakumeenganako indarkeriari, indarkeria

- Ekintza aitzindari hau “Emakumeen Aurkako Indarkeriaren Kontrako Nazioarteko Egunaren” baitan gauzatuko da, datorren asteartean, azaroak 25

- Parte hartzen duten 71 udalerriak herritarren %71 dira, eta aipatu ekimenaren baitan, emakumeen aurkako indarkeriaren kontrako kartelak banatuko dituzte, etxez etxe, honako lelopean: “No a la Violencia Contra las Mujeres, Emakuneenganako Indarkeriari Ez”

- Herritarren parte-hartzeari esker, 500.000 etxetako leihoetan Indarkeriari EZ leloa agertzea espero da; horretarako, puntu batez adierazitako sinboloa
erabiliko da

- Udal-ordezkariek gaur jarri dute irudi hori Eudeleko egoitzaren leihoetan

- Parte-hartze anitza lortu nahi du Eudelek: herritarren aldetik, komunikabideen aldetik, garraioen aldetik... horiek guztiek kanpainarekin bat egin eta kartela jar dezaten komertzioetan, egunkarietan, etab. Irudia Eudelen web orrian eskuratu daiteke: www.eudel.net

- EUDELek sustaturiko kanpaina horrek osatu egingo du “Nik emakumeenganako indarkeriari EZ, eta zuk?” lelopean BERDINSAREAren
bidez Emakunderekin elkarlanean martxan jarri den kanpaina.

Datorren azaroaren 25ean, milioi erdi etxetako leihoetan kartelak jarriko dituzte, Emakumeen Aurkako Indarkeriari erabateko ukoa adierazteko. Hori da helburua. Izan ere, datorren asteartean Emakumeen aurkako Indarkeriaren kontrako Nazioarteko Eguna dela-eta, Eudelek ekintza aitzindari bat sustatu du euskal udalen artean; eta behar besteko arrakasta lortzeko, nahitaezkoa da herritarren parte-hartzea.
Ekintza horretan, euskal herritarren %71 ordezkatzen duten 71 udalerrik hartuko dute parte. Emakumeen aurkako indarkeriari ukoa adierazten dieten kartelak banatuko dituzte, etxez etxe, honako lelopean: “No a la Violencia Contra las Mujeres, Emakuneenganako Indarkeriari Ez” Helburua honakoa da: egun horretan, eta aldi berean, udalerri horietako milioi erdi etxetan Indarkeriari Ez esatea. Ekimen horren osagarri gisa, Indarkeriaren aurkako ekitaldiak egingo dira udaletxe bakoitzaren kanpoaldean.
Parte hartuko duten 71 udaletatik, 8 Arabakoak dira, 18 Gipuzkoakoak eta 45 Bizkaikoak.
Aipatu kartelean zera adieraziko da: ““Nik emakumeenganako indarkeriari EZ, eta zuk?”.
Datorren asteartean, hilak 25, indarkeria matxistaren aurka manifestatzeko gonbitea egin zaie beraz, puntua agertzen den kartela leiho erdian jarriz. Kanpainak adierazi
bezala, “Sinbolo horren bidez, sexu-indarkeriaren aurkako jarrera bateratu bat adierazi nahi dugu gizartearen aldetik”.


MP3 fitxategiaren deskargarekin inplikazioa eskatzen emakumeenganako indarkeriaren kontrako kanpainan parte-hartzeko.



MP3 fitxategiaren deskargarekin gizonen inplikazioa eskatuz.



MP3 fitxategiaren deskargarekin getxoztarrek bereganatzeko ekimena eskatuz.

Labels: emakumeak, indarkeria

PDF fitxategiaren deskarga kanpainaren kartelarekin.

Labels: emakumeak, indarkeria

Datorren irailaren 15etik 19ra zabalik egongo da Emakumeentzako Jabekuntza Eskolaren 2008-2009ko ikasturtean parte hartzeko aurre inskripzioa egiteko epea. Sareko proiektua da eta bertan Getxoko, Ermuako, Basauriko eta Ondarroako Udalek hartzen dute parte. Eskolaren helburua emakumeen parte hartzea bultzatzea da, politikan eta gizartean eta urterik urte sendotzen ari da emakumeen gogoeta, trebakuntza eta elkartze gune gisa, horien artean interes handia pizteaz gain, ikasturtearen hasierari buruz galdetzen jasotako dei ugarik erakusten duenez.

Bosgarren edizio honek 274 plaza (iaz baino 94 gehiago) eta 17 ikastaro (iaz 12 izan ziren bitartean) eskainiko ditu eta honako trebakuntza lerro hauek mantenduko ditu: emakumeen nortasuna eta subjektibotasuna, komunikazioa, feminismoa eta munduko emakumeekiko elkartasunaren eta trukearen lerroa. Ikastaroak Algortako eta Erromoko Kultur Aretoetan eta Algortako Juan Bautista Zabala ikastetxean izango dira.

Informazio gehiago

Labels: berdintasuna, emakumeak, Emakumeentzako Jabekuntza Eskolak

Eskutitz hau sinatzen dugun gizonok badakigu gure gizartean ez dagoela berdintasunik emakumeen eta gizonen artean, ez harremanetan eta ez botere-banaketan, eta emakumeak gizonen menpe daudela. Ondorioz, gizonok hainbat pribilegio dauzkagu: aisialdirako denbora gehiago daukagu; esparru publikoan, politikan nahiz ekonomian botere handiagoa dugu; eta emakumeen etxeko lanaz eta zaintzaz gozatzen dugu.
Aitzitik, gizartea antolatzeko modu honek modu negatiboan eragiten digu, eta gure nortasuna eraikitzeko gizartean eredu izan den tradiziozko gizonen eredu matxistak ez gaitu asetzen, eta gainera, gure izaera garatzeko prozesua baldintzatzen du.
Bidezkoa da egoera aldatzea, emakumeen eskubidea delako, eta gizarte osoaren onerako izango delako, egoera aldatzea onuragarria izango baita gizonentzat ere.
Horregatik, eta sexismoak eragiten dizkigun kalteak gainditzeko asmoz, berdintasuna oinarri duen gizartea eraikitzeko konpromisoa hartuko dugu, banaka nahiz taldean, emakumeek eta gizonek eskubide eta aukera berberak izan ditzagun, eta batzuon eta besteen ekarpenak eta beharrak modu berean balora daitezen. Horretarako konpromiso hauek hartuko ditugu:

-Emakumeek sexismoaren aurka egindako aldarrikapenekin bat egingo dugu eta bazterketa sexisten aurka egiten duten borroka oro babestuko dugu, eta bereziki, indarkeria matxista gaitzetsiko. Gainera, jendaurrean eta modu aktiboan gaitzetsiko ditugu halako bazterketa-jarrerak eta ez ditugu onartuko geure inguruan.

-Egoera, esperientzia eta jarrera guztiak haintzat hartuta, berdintasunik gabeko gizarte honi eusten dioten eguneroko balio eta jarrerak berraztertuko ditugu, eta beste gizon batzuei laguntzen saiatuko gara, aldaketa pertsonalen eta gizarte-aldaketen bide honekin bat egin dezaten.

-Geure burua eta besteena zaintzeaz arduratuko gara, pertsonen osasunaren eta segurtasunaren aurkako arrisku-jarrerak bultzatu ordez.

-Etxeko lanak eta familiakoak zaintzeko lanak geuretzat hartuko ditugu, baita gure izaera eraikitzeko bide gisa ere, eta bereziki, zaintzeko baimen, eszedentzia eta lanaldi murrizketez gozatuko dugu.

-Askotariko sexualitatea lortzearen alde, egingo dugu, mitorik gabe, konparaziorik egin gabe eta ezer ezarri gabe, elkarrekin gozatuz eta elkarri plazera emanez. Sexualitate librearen eta sexu-aukera zein sexu-orientazio librearen aurkako jarrera ororen aurka egingo dugu.

-Geure nortasuna libreki eraikitzen saiatuko gara, rolak eta estereotipoak alde batera utzita, geure emozioak eta sentimenduak osorik garatzeko.

-Indarkeria ez dugu arazoak konpontzeko zilegizko tresna gisa hartuko. Baztertu egingo dugu eta bide baketsuak eta elkarrizketa erabiliko ditugu egoera korapilatsuak konpontzeko.

Euskal gizonon konpromisoa berdintasunaren aldeko apustu sendoa da. Beharrezkoa da herritar libre, autonomo, zuzen eta zoriontsuagoen gizartea eraikitzeko.

Atxikitzeko orria

Labels: berdintasuna, emakumeak, indarkeria

Labels: emakumeak

Labels: emakumeak, indarkeria

ALBOA, ANDRAK, BILGUNE FEMINISTA, ESKUZ-ESKU, ETXEKIN, GIZATIAR eta RODA emakumeen elkarteek indarkeria egoerak salatzeko isilezko elkarretaratzea deitu dute ostiralerako, azaroaren 23rako, 19:30ean Areetako Geltokiko plazan.
Getxo Udalak datorren azaroaren 25ean izango den Emakumeen Aurkako Indarkeriaren kontrako Nazioarteko Eguna dela eta indarkeria mota horri amaiera emateko lan egiten segitzeko konpromisoa berretsi du azkeneko osoko bilkuran eta Getxoko emakume elkarteek bultzatutako elkarterratzera parte hartzera animatzen zaituztet. Han elkar ikusiko dugu.

----

Indarkeria egoerak salatzeko isilezko elkarretaratzea
Ostirala azaroak 23
Areetako Geltokiko plaza
19:30

----
Sentsibilizazioa eta prebentzioa, Getxoko Udalak Emakumeen Aurkako Indarkeriaren kontrako Nazioarteko Eguna dela eta, antolatutako kanpainaren ardatzak.
Batez ere nerabeei zuzendutako ekitaldiak sentsibilizazioaren eta prebentzioaren ingurukoak izango dira aurten, Getxoko Udalak datorren azaroaren 25ean izango den Emakumeen Aurkako Indarkeriaren kontrako Nazioarteko Eguna dela eta, antolatutako kanpainaren barruan. Ekintzak Berdinsarea, Berdintasunaren alde eta Emakumeen aurkako Indarkeriaren kontrako Euskal Udalerrien Sareak antolatutako kanpainaren barruan kokatzen dira. EUDELek, Euskal Udalerrien Elkarteak eta EMAKUNDEk, Emakumearen Euskal Institutoak ere kolaboratzen dute kanpainarekin.
“Maitasuna ez da mando batez kontrolatu daitekeen jokoa. Txo!Kontrolatzen?, Zure urrutiko kontrolagailua birtuala da baina ni erreala” lelopean, kanpainak 13 eta 18 urte arteko gazteak kontzientziatu eta adi jarri nahi ditu, batzuetan normalak ematen dituzten egoerak emakumeen aurkako indarkeriazko jarreren abisu izan daitezkeelako.

Kanpainan sentsibilizazio lantzeko ekintza batzuk eramaten ari dira aurrera:

Udalak 30.000 postal banatu ditu buzoiz buzoi
1.000 komiki ere (kanpainaren leloarekin eta gazte batzuen arteko istorio batekin) ohiko tokietan eta Bigarren Hezkuntzako zentroetan.
200 txartel jarri dituzte
Publizitate kanpaina bat indarrean sartu da metroko geltokietako txartelen makina saltzaileetan
Irrati kuñak ere emititzen ari dira
Aukera Berdintasuneko Sailak kaleratzen duen EMEKI aldizkariak indarkeriaren ganeko monografikoa atera du.

Eta prebentzioa lantzeko, DBHko hirugarren mailako 14 eta 15 urtetako12 talde ikasgeletan tailer programa batean hartuko dute parte honako gai hauen inguruan: sexu eta genero sistema, sozializazio prozesua, maitasunaren arrazoiak, indarkeria sexista eta indarkeriaren kontrako lana.

Labels: emakumeak, indarkeria

Egun batean emigratzea erabaki zuten emakumeen laguntza bilatzea eta esperientziak trukatzeko aukera.

Non: Gobelaurre Parkeko etxabeetan kokaturik daude (Erromoko Ur Partzuergoaren ondoan)
Noiz: 2007. urteko urritik 2008. urteko ekainera bitartean. Aldizkako larunbatetan, 10.30etatik 13.00etara.
Nola: 650 017 949 Silvia Peñas (EGINTZA elkartea)

Zure esperientzia partekatu nahi baduzu...

Informazio gehiago

Labels: emakumeak, etorkinak

Emakumeentzako Jabekuntza Eskola emakumeen arteko topaketa, gogoeta eta prestakuntza espazio gisa finkatzen ari da. Sare proiektu hau Getxo, Ondarroa, Basauri eta Ermuko Udalek bultzatu dute, eta aurten laugarren ikasturtea hasiko du, emakumeen partaidetza politikoa eta soziala bultzatzeko asmoz.
Aurreinskripzioa (irailaren 13tik 19ra)egiten duten emakume guztien artean zozketatuko dira plaza mugatuak. Aurreinskripzioa egiteko beharrezkoa izango da inprimakia betetzea Hiritarren Arretarako Bulegoetan edo udal webaren bitartez, formulario honetan.

Informazio gehiago

Labels: emakumeak, jabekuntza