Imanol Landaren bloga

Labels: blogetxo, bloggers, ETB 3, Getxo, getxoblog, TB

Datorren azaroaren 16ra arte zabalik izango da IV.SMS eta E-Mail lehiaketan parte hartzeko epea, Egizuk eta Bizarra Lepoan elkarteek antolatuta, Getxoko Udalarekin elkarlanean. Gaia “Zre amk badki..?” izango da eta pertsona bakoitzak nahi beste lan bidal dezake. Lanak euskaraz eta jatorrizkoak izan beharko dira eta ez dira onartuko beste lehiaketaren batean aurkeztutakoak. Mezua sms batean sartu beharko da eta 688 687 826 telefono zenbakira bidali beharko dute parte hartzaileek eta bestalde, e-maila gehienez 300 karakteretakoa izan beharko da eta bizarralepoan@euskalnet.net helbidera igorri behar da.
Sariak notebook, argazki kamera eta mendiko motxila izango dira eta banaketa ekitaldia datorren azaroaren 21ean Andres Isasi Musika Eskolan ospatuko den Izarren Distira galan izango da.
Irabazleak www.blogari.net/bl-en egongo dira eta informazio gehiago helbide horretan, bizarralepoan@euskalnet.net eta 94 491 43 57 telefono zenbakian eska daiteke.

Labels: bizarra lepoan, blogetxo, e-mail, euskara, Getxo, getxoblog, sms

Ekonomia Sustapenerako zinegotziak, Aitor Soloetak, "Prestatu enplegurako, prestatu ekiteko" argitalpena aurkeztu du gaur prentsaurrekoan, Getxolanek udalerriko langabetuentzat prestatutako formakuntza planaren katalogo berria. Getxolanetik 2009ko, bigarren seihilekorako Prestakuntza-Plan bat garatu da, eskaera anitzari erantzun egokia eta doitua emateko eta baita lan-merkatuan sartu nahi duten udalerriko auzotarren beharrei ere. Plan honetan udalerriko 300 edo 400 bat pertsonak parte hartuko dutela espero du Udalak.


Aitor Soloetak adierazi duenez, orain arte egin den eskaintza zabalena den bi alderdi azpimarragarri barnebiltzen dituzten prestakuntza-ikastaroen pakete bat da: prospekzioa enpresetan eta langabeen ezaugarriak. “Prospekzioak, behar bezala estaltzen ari ez diren eta enpresek eskatuko dituztela aurreikusten den profilak detektatzen ditu. Sektore desberdinetako enpresekin jarri gara harremanetan aipatu lanbide-profil horiek detektatu eta gure langabeei merkatutik oso hurbil dagoen zerbait eskaintzeko”. Gainera, prestakuntza-programa zehazterakoan, Getxoko langabeziaren berariazko ezaugarriak hartu dira kontuan.

“Langabeen talde nagusia 44 urtetik gorako pertsonek osatzen dute; langabeen %20a lizentziatua eta diplomatua da. Gainera, bizitza osoan lanean aritu direnen eta, orain, langabe geratu direnen taldea handia da; eta, bukatzeko, gure udalerrian, 1.420 familiak jasotzen dute Gizarteratzea Bermatzeko Errenta” Soloetak adierazi duenez. Pasa den abuztuan langabeziaren tasa Getxon %10´1ekoa izan zen (%12´6koa Bizkaian eta %11´9 koa EAEn).


Getxolanek gutun pertsonalizatua bidaliko du 5.354 etxeetara eta 2007tik gaur egunera bitartean Getxolan zentrotik pasa diren eta aurkeztu den prestakuntza-programaren batean parte hartzeko interesa eduki dezaketen guztiei bidaliko zaie. Halaber, kartelak ere jarriko dira hainbat gune publikotan eta, zabalkunde elektronikoaz baliatu ere, trebakuntzaren eta enpleguaren alorrean lan egiten duten eragileei eta laguntzaile desberdinei. Aitor Soloetak gaur egun langabezian dauden pertsonak ekimen honetan parte hartzera animatu ditu. “Bizi garen krisialdi honetan”, esan du, “une ona da formakuntza jasotzeko”.


Heziketa Plana
Getxolanaren 2009ko 2. seihilekorako prestakuntza-plana ondorengo jarduera hauek jaostzen ditu: Gizataldeentzako sukaldaritzako laguntzailea; Teknikari komertziala; Informazio geografikoko sistemetako Teknikaria – GIS;
Aholkulari SAP kudeaketa-sistemen ezarpenean; Garbiketa-zerbitzuko langilea eta Ostalaritza-zerbitzuko langilea.

Pertsona ekintzaileei zuzendutako programei dagokienez “Pertsona ekintzaileentzako prestakuntza” aurreikusi da (aurre ekin, enpresa-kudeaketa eta enpresa-kudeaketari buruzko tailer praktikoak) eta, oinarrizko gaitasunetan trebatzeko, informatikako ikastaroak, enplegua bilatzeko estrategiak, lan-arloan arrakasta lortzeko abileziak eta gaitasunak egongo dira.

Halaber, merkataritza sustatzeko Topagune – merkataritza-sektorean egongo da.

Getxolan-ek pertsona langabeak eta ekintzaileak nahiz enpresak artatzeko zerbitzu-zorroa du. Besteak beste, honako zerbitzu hauek eskaintzen ditu: informazio-zerbitzua, aholkularitza pertsonalizatua, praktikak enpresatan, enpresa martxan jartzea eta beste batzuk

Informazio gehiago eta izen-ematea Getxolanen, San Martin kalea 17 zenbakian, 48993 Algorta. Tel: 94 466 01 40, e-posta getxolan@getxo.net

PDF fitxategiaren deskarga prestakuntza katalogoarekin.

Labels: blogetxo, formakuntza, Getxo, getxoblog, getxolan, langabetuak

Osasunari buruzko gaiak eskaintzea izango da Berdintasuneko Zerbitzuak antolatutako Emakumeentzako Jabekuntza Eskolaren ikasturtearen berritasun nagusia. 2009-2010eko ikasturtean guztira 262 plaza eskainiko dira 17 ikastaroetan banatuta, horietatik 10 berri, eta horrekin batera erakusketa eta topagune bat ere izango dira. Izena emateko epea irailaren 14tik 21era egin ahal izango dute pertsona interesatuek Udaletxeko, Andra Mariko eta Romoko Hirritaren Arretarako Bulegoetan, Hirritaren Arretarako Gunean eta www.getxo.net web gunean
Eskolaren helburua da emakumeen partaidetza soziala eta politikoa sustatzea, historian baztertuta eduki dituzten politika publikoetan eragina eduki dezaten. Horretarako Eskolak partaidetza politikoa eta soziala lerroa berriro eskainiko du, iazko ikasturtean izan ziren lau heziketa ildoak mantenduko ditu eta gainera osasunari buruzko berria martxan jarriko du. “Gai honekin emakumeen bizitza-kalitatea hobetzea lortu nahi dugu gure gorputzei buruzko informazioa, ezagutza eta hausnarketa egitea ahalbideratuz, ondoren gure osasunari dagozkion gaiak guk geuk erabaki ahal izateko” azaldu du gaur ikasturtearen aurkezpenean Keltse Eigurenek, Berdintasuneko Zerbitzuko zinegotzi arduradunak. Gai honi buruzko hiru tituluak Sexualitatea lehen pertsonan, Emakume nagusien sexualitatea eta Zoru pelbikoa laguntzea dira.
Komunikazio lerroan, berritasun bezala, Kazetarion Berdinsareako kazetariek hedabideen jokabideak aztertuko dituzte, euskaraz eta gazteleraz eta Jende aurrean hitz egiteko teknikak euskaraz errepikatuko da.
Munduko emakumeekin elkartasuna eta trukeari buruzko atalak lehehengoz emakume etorkin eta bertokoen arteko topagunea izango da (otsaila eta maiatzaren arteko hileko azken ostegunetan) eta horretarako ez da izenik eman behar. “Herrialde desberdinetako emakumeak bilduko dira inmigrazioari buruzko genero ikuspegiak agertzeko eta protagonisten bidez migrazio prozesuak eta esperientziak ezagutzeko aukera izango dugu” adierazi du Berdintasuneko zinegotziak.
Bestalde, Munduko emakumeen literatura eta komikiari buruzko tailerrak mantenduko ditu eta mutilazio genital femeninoei buruzko saioa eskainiko du Adriana Kaplan antropologoak. Ganbiako emakueekin egindako azterlanaren ondorioak azalduko ditu.
Emakumeen Nortasuna eta subjetibotasuna lerroak honako hiru ikastaro berri eskainiko ditu: Nire gorputzaren bila, Genero identitate garaikideen eraikuntza eta Beti atzetik ditudan mamu femeninoak eta aurretik egindako tailerra izango da berriro, hau da Emakumeok eta mamuak.
Azkenik, femninismoari buruzko atalak aurreko urteotan burututako Autodefentsa tailerraz gain, beste bi ikastaro berri eskainiko ditu, Irakurketa feminista literaturan euskaraz eta arte eta kritika feministari buruzkoa.

Izen-ematea
Aurrez izena emateko epea irailaren 14tik 21era izango da Udaletxeko, Andra Mariko eta Romoko Hirritaren Arretarako Bulegoetan, Hirritaren Arretarako Gunean eta www.getxo.net web gunean eta plazen zozketa irailaren 22an izango da. Onartutako zerrendak irailaren 25ean emango dira ezagutzera eta matrikula egiteko epea irailaren 28tik urriaren 6ra arte egongo da zabalik. Ikastaroen prezioa 5 eta 15 euroen artekoa izango da. Informazio gehiago 94 466 01 36 telefono zenbakian eta berdintasuna@getxo.net posta elektronikoan. Haurtzaindegi zerbitzua egongo da eta EHUk aukera libreko kreditoak emango dizkiete ikastaroetan parte hartzen duten unibertsitate ikasleei.

Labels: berdintasuna, blogetxo, Emakumeentzako Jabekuntza Eskolak, Getxo, getxoblog

Irailaren 11tik 13ra
Kontzertu guztiak Areetako Geltokiko Plazan
20.00 h.
Sarrera dohainik

Irailaren 11tik 13ra, Habaneren eta Itsas Kantuen Jaialdiak Getxoko musika jaialdien zikloa amaituko du, gure herrian harrerarik onenetakoa duten generoetako batekin, itsas tradizio handia dugu eta. Horrela, hiru egunez jendeak hiru kontzertu entzun ahal izango ditu Getxon, estilo ugaritako artista eta taldeek emango dituztenak.

Jaialdiaren hogeita hirugarren edizioan , Portugaleteko Santa Maria abesbatza izango da jaialdia inauguratzeko arduraduna, habaneren eta itsas kantuen errepertorio zabala erakutsiz. Abesten dituzten kantuen artean betiko abestiak, kantu berriak eta antzinakoen moldaketa berriak daude.

Bigarren egunean Mediterraneoko habaneraren txanda izango da, Bergantí talde katalanaren eskutik. Eskarmentu handiko laukote hori 1982an hasi zen kantuan. Gaur arte egin duten bide luze eta oparo honetan, gure mugen barruan eta kanpoan jardun dute, habaneren doinuak eta beste genero batzuetako abestiak 1.300 saio baino gehiagotan zabalduz.

Amaitzeko, jaialdia hilaren 13an, igandean, bukatuko da, Kubako Grupo Caracol taldearen emanaldiarekin. Oso abesti ezberdinak kantatuko dituzte: betiko habaneretatik hasita eta taldeko kidek eginiko konposizioetaraino.

Ohi den legez, Areetako Geltokiko Plazako karpan antolatu da ekitaldia. Horrela, eguraldi txarra izan arren kontzertuak ongi egingo direla ziurtatuko dugu. Emanaldi guztiak dohainik izango dira.

Gainera, aurten, jendeak Itsasoko Azoka bisitatu ahal izango du jaialdiaren esparru berean. Bertan, bisitariek gastronomiako produktuak eta itsasoarekin zerikusia duten artikuluak erosi ahal izango dituzte. Era berean, "Getxo eta itsasoa" argazki erakusketa izango dugu. Bertan, itsasoaren munduarekin zerikusia duten argazkiak erakutsiko ditugu.


Getxoko XXIII. Habanera eta Itsas-abesti Jaialdia egitaraua

Labels: blogetxo, Getxo, getxoblog, habanera jaialdia, itsas-abesti

Gaur GETXOLAN marka berria aurkeztu dugu, hemendik aurrera Udalak Ekonomia Sustapeneko alorrean eskaintzen dituen izen eta zerbitzuak batzen dituena. Hartara, aurrerantzean Enplegu eta Ekonomia Garapenerako Bulegoa-Behargintza GETXOLAN deituko da.

Getxoko Udalak, pertsona eta enpresei enplegu eta ekonomi sustapeneko zerbitzuak eskaintzen dizkieten eragileak anitzak direla ohartuta, eta dauden baliabideak eskuratzea errazagoa egin aldera, GETXOLAN marka berria sortu du.
Ekimen honen helburua zerbitzu hauek bultzatu eta herritarren eskura ipintzea da, bereziki ekonomiak beheraldia bizi duen honetan. Herritarrengana hurbildu nahi dugu “leihatila bakarra” delakoaren bitartez, eta udalerrian ekonomi sustapen eta enpleguaren esparruan erreferente izatea nahi dugu ere. Hitz batean esanda, izen propioa sortu dugu, grafismo bereziarekin, eta berariazko eta egungoarekin bat ez datorren funtsarekin, zerbitzuaren publiko objektiboak-bezeroek erraz identifika dezaten.

GETXOLANen diseinuak eta grafismoak Udalaren beraren nortasun korporatiboaren ildoa segitzen dute.

10 urtetik gorako ibilbidea: 13.000 lagun eta 6.500 enpresa artatuak

Enplegu eta Ekonomiaren Garapenerako Laguntza Bulegoak hamar urtetik gora daramatza pertsona langabetuei, ekintzailei eta enpresei zerbitzuak eskaintzen; denbora guzti horretan enpleguaren eta ekonomi sustapenaren erreferente bihurtu da udalerrian.

Jaio zenetik gaur arte, bulego honetan 13.000 lagunetik gora artatu dituzte, 6.500 enpresari zerbitzuak eskaini zaizkie, 242 enpresa berri sortzen lagundu dute, 1.821 pertsonek lana topatu dute eta 1.200 lagun baino gehiago trebatu dituzte Udalak antolatutako ikastaroetan.

Horretarako, ezinbestekoa izan da Foru Aldundiarekin eta Eusko Jaurlaritzarekin harreman estua edukitzea eta eskualde edo INEM eta EBk diruz lagundutako ekimenetan parte hartzea.




MP3 fitxategiaren deskargarekin nire adierazpenekin (I).




MP3 fitxategiaren deskargarekin nire adierazpenekin (II).

Labels: behargintza, blogetxo, Getxo, getxoblog, getxolan

Irailaren 3tik 6ra
Mende laurdeneko jarduera ospatuko du aurten Folk Getxo BBK jaialdiak. 25 urte horietan hainbat kulturako erritmoak ekarri dizkigu etengabe eta hainbat herri eta kulturak ezagutzeko aukera eman digu. Halaber, kulturen aniztasuna, elkartasuna eta beste balio batzuk hedatu ditu. Parte hartzea bultzatzen du jaialdiak eta, bertan ez dago adin-mugarik eta, hori dela eta publiko guztietarako saio eta ekimen ugari daude.
Aurten, saio nagusietan maila handiko talde eta artistak jardungo dira: Pablo Milanés, La Bottine Souriante, Orchestre National de Barbès eta zenbait euskal talde eta artista. Azken horiek omenaldia egingo diote jaialdiari saio berezi batean, Euskal Musika: 25 urte lelopean
Halaber, ez dira faltako arratsaldeko eta Munduko Terrazako saioak, gune solidarioa (bertan Munduko Azoka eta Bidezko Azoka egongo dira, besteak beste), Gune Interkulturala edota kale-banden desfileak.
Azken batean, lau eguneko tartean Getxo musika eta kultura anitzen festa handia izango da, eta bertan hainbat elkartek, GKEk, taldek eta erakundek hartuko dute parte. Horien laguntza eta esfortzurik izan ezean, ekitaldi hau ez litzateke posible izango.

Edizio honetan eta bere historiako hogeita bost urtetan lehenengo aldiz, Folk Getxo BBK 2009ko Kontzertu Nagusiak ordainduta izango dira. Sarrerak, jada, salgai daude BBKko Multizerbitzu kutxazainetan, 944 310 310 (BBK) eta 94 491 40 80 (Kultur Etxea) telefonoetan, Algortako Kultur Etxean (Villamonte kalea, A-8), www.bbk.es helbidean eta lotura honetan.

Informazio gehiago: www.getxo.net

Labels: blogetxo, Folk Getxo BBK jaialdia, Getxo, getxoblog, kultura, musika

Getxoko Udala da (Bilboren ondotik) web atariko informazioari dagokionez gardentasun handiena duen Euskadiko bigarren Udala, Estatuko 110 udal nagusien gainean Transperency Internacional España erakundea egiten ari den azterketa eta balorazioak halaxe ondorioztatzen baitu.
Getxo sailkapeneko 59garrenetik 30garren tokira igo da,Iruña (36a) Donostia eta Gasteizen (biak 39garrenean daude) eta 99garren dagoen Barakaldoren aurretik.

Ebaluazioaren emaitza ona bada ere, ara indar gehiagorekin, udal kudeaketari buruzko gardentasuna hobetzeko gure konpromisoari eutsiko diogu. Baliabide publikoen kudeaketa zuzena ezagutu eta jakitea esijitzen duten herritarrek bereziki baloratzen duten alorra izanik, oraindik asko dago hobetzeko informazioaren gardentasunan.

Erakunde independienteak egindako balorazioaren arabera, Getxoko Udalak puntuaziorik onena lortu du honako arlo hauetan: ekonomi-finantzen gardentasunean (100tik 94,7); Udalari buruzko informazioan (%88); hirigintza eta herri-lanei buruzko gaien Gardentasunean (%76,5); eta herritarrekiko eta gizartearekiko harremanetan, ehuneko 70arekin.
Transparency Internacional Españak Getxori ematen dion ebaluazio orokorra 100tik 80koa da.

Labels: blogetxo, getxoblog, Getxoko udala, Transparency Internacional

Uztailaren 31 dator laster, san Inazio, Getxon esangura berezia duen jaia. Eta san Inaziorekin batera, lasterketa, Getxoko Zirkuitua, Ricardo Otxoaren omenez, Getxok txirrindularitzarik onenarekin eta txirrindularirik onenekin daukan hitzordua klasiko eta tradizionala.
Adituek esaten dute lasterketari intuitiboentzako lasterketa dela, momentuen ehiztarientzat diseinatutako trazatua duen. Itsas mailan gozatzen duten txirrindularientzako zirkuitua, abenturazale eta abiaduralarientzat, Bizkaiko geografiaren logikaren aurka eremu lauan zehar doan klasikoa. Honetan, baina, Txomintxuren 400 metroek ehunka eraso ikusi dituzte.

185,35 km. ko ibilbidearekin, 16,85 km.ko 11 bukletan banatuta, Getxoko Zirkuitua, Ricardo Otxoaren omenez, nahitaezkoa erreferentea da txirrindularitzaren zaleentzat eta kirol honen inguruan gure errepideen ertzetan bizi den belaunaldi arteko jaiaz gozatu nahi duen guztientzat.

Horren guztiaren "errudun" dira Punta Galea Txirrindularitza elkarteko kide guztiak, urte urte bulegoetan mendate biziki zail eta pikoak gainditzen dituztenak. Beren ahalegin eta dedikazioaren sari bakarra da suge koloretsua gure kaleetan barrena lerratzen ikusten dutela urtero.

Haientzat bereziki urte zail honetan, eta hauekin batera, txirrindularitzaren urteko gure jaia posible egiten duten erakunde guztientzat, gure esker on eta zintzoena bere lanaren emaitzaz gozatzen dugun getxoztar guztion izenen.



Informazio gehiago: Punta Galea Tx E

Labels: 8. Ricardo Otxoa Memoriala, blogetxo, getxoblog, Getxoko Zirkuitua, kirola, txirrindularitza

Getxoko 54 pertsona izango dira Bizkaiko Foru Aldundiaren Lan eta Trebakuntza Sailak eta Gizarte Ekintza Sailak bultzatutako plan pilotu honen onuradunak. Egun 23.000 familiatik gora dira Oinarrizko Errenta jasotzen dutenak Bizkaian eta horietako gehienek lan merkatuan sartzeko aukera izango lukete, beharrezko laguntzak izanez gero. “Bizkaia inklusio aktiboaren alde” deritzon ekimenak sustapen pertsonaleko, trebakuntzako eta prestakuntzako mekanismo horiek eskaintzea du xede, onuradunei gizarte zerbitzuen eskaintza egokiarekin batera lan mundura sartzen eta oinarrizko errenta alde batera uzten lagungarri gerta dakien.
Getxoko Udala izan da Oinarrizko Errentaren jasotzaileak gizarteratzeko eta laneratzeko “Bizkaia inklusio aktiboaren alde” plan pilotua abiarazteko hitzarmena sinatu duen Bizkaiko lehen udala. Bizkaiko Foru Aldundiko Lan eta Trebakuntza Sailak eta Gizarte Ekintza Sailak koordinatutako proiektu honek sustapen pertsonala, trebakuntzako eta prestakuntzakoa eskaintzea du helburu, pertsona horiei lan mundura sartzen lagungarri gerta dakien.
Gaur goizean sinatu dut hitzarmena Eusebio Larrazabal Enplegu eta Formaziorako diputatua eta Juan Mari Aburto Gizarte Ekintza Saileko foru diputatuarekin. Ekintza hau BBK eta hirugarren sektoreko Sortarazi, Emaús Bilbao, Red Social Coopera Gizarte Sarea, Gaztaroa-Sartu Elkartea eta Cáritas Bizkaiaren lankidetzari esker posible izan da.
Plan pilotu honek 336 pertsona izango ditu onuradun Bizkaia osoan, Oinarrizko Errenta jasotzen dutenen ehuneko 5 dena hain zuzen ere. Bizkaiko Lurralde Historikoan ia 23.000 famili unitate daude egoera horretan: 20 eta 65 urte bitartekoak dira eta Bilbo (Uribarri-Zurbaran, San Francisco-Abusu), Barakaldo, Getxo, Busturialdea, Bermeo eta Enkarterrietan bizi dira.

54 onuradun Getxon

Getxoko udalerrian zehazki 54 pertsonarekin lan egingo da zuzenean. Udal horretako gizarte zerbitzuek Lan eta Ekonomi Garapen Atalarekin lankidetzan aukeratu dituzte onuradunak. Aukeratutakoen ezaugarri nagusiak honako hauek dira: emakumezkoa, 25 eta 44 urte bitartekoa, atzerritarra, urtebete baino gutxiago darama Oinarrizko Errenta Orokorra (OEO) jasotzen eta ez du beste diru-sarrerarik. Aukeratutakoen artean 22k enplegu-gaitasuna sendotzeko eta lan-munduan sartzeko partaide bakoitzaren araberako ibilbideetan hartuko dute parte (informazio pertsonalizatua, ikasketarako eta lanerako orientabideak, oinarrizko eskumen zehatzetako trebakuntza, bekak, lan-praktikak). Bazterkeria eta mendekotasun arazo arruntak dituzten eta lan merkatutik urrun dauden beste 27 pertsonak osatzen dute bigarren taldea. Horiek lana bilatzeko lantegietan eta babestutako lan merkatuan sartzeko helburua duten bakoitzaren arabera prestatutako iraupen luzeko trebakuntza-ibilbidetan (malguak eta moduluka antolatuta) hartuko dute parte.
Hirugarren taldea bazterkeria eta mendekotasun arazo larriak dituzten bost pertsonak osatutakoa da. Horientzat maila pertsonalean zein familia mailan eragiteko xedea ezarri da, ibilbide sozio-pertsonalak eta lanbide-lantegiak landuko dira, antolaketa eta familia ingurua hobetzen laguntzeko neurrien bidez indartuta.
Partaideek euren beharrizanetara egokitutako gizarte zerbitzuen eskaintza zabala izango dute ibilbide guztian. Horretarako laguntza sozio-sanitario, osatu, familia eta gizarte integrazio, aisialdi eta aisialdi eta lege aholkularitza gaietan Getxon dauden zerbitzu eta baliabideen lehendabiziko mapa egin da, aukeratutako pertsonen ezaugarri zehatzak zehaztutakoan sendotu egingo dena.

Labels: Bizkaiko foru aldundia, blogetxo, getxoblog, Getxoko udala

PDF fitxategiaren deskarga pasabidearekin.



PDF fitxategiaren deskarga trafiko ordenamenduarekin.



PDF fitxategiaren deskarga egokitze lanekin.

Labels: blogetxo, circuación, Getxo Antzokia, getxoblog, pasarela, urbanismo

Barrakak Ereagara itzuliko dira aurten ere, eta bertan egongo dira bihartik, uztailaren 24tik, igande arte, abuztuaren 2ra arte. Kultura zinegotzia den Koldo Iturbek esan duenez “Gobernu Taldeak joan den urtean barrakak jatorrizko kokalekuan berriro jartzea erabakia oso arrakastasua izan zen. Horrela getxotar askok eta ferien arduradunek azken urtetan egindako eskaerei erantzuna eman nahi izan diegu. Horretaz gain, orain urte asko, Algortako jaien jaitsiera bertan bukatzen zen eta horregatik ere gune hori berreskuratzea garrantzitsua izan da”.

Azoka barrutia “La Ola” jatetxea eta Portu Zaharreko pasealekua hasten den tartean kokatu egingo da, eta 20 atrakzio jarriko dituzte, tartean, autotxokeak, Matxinsaltoa, bikingoen ontzia eta scalextric-txikia, baita tiro egiteko etxolak, txiki-park eta bi txurro denda ere.

Barrakak zabalik egongo dira 17:00etatik gauerdiko 12ak arte (igandeetan eta lanegunetan) eta 17:00etatik 02:00ak arte ostiraletan, larunbatetan eta jaiegunetako bezperatan. Iaz bezala, atrakzio berezietarako prezioa 1,80 eurokoa izango da eta besteetarako 1,50 eurokoa. Uztailaren 29an, asteazkenean, “Jendearen eguna”, txartelak euro batean salduko dira.

Labels: barakak, blogetxo, ereaga, getxoblog, jaiak

Aurtengo Nazioarteko Paella Lehiaketa Santiago egunean ospatuko da, Uztailaren 25ean, larunbataz.

Goizeko 8etatik 9.30etara kotxeen sarrera baimenduta egongo da partehartzaileak eguna pasatzeko behar duten materiala guztia euren txoznara hurbil dezaten. Goizeko 9.30etarako Paellak ospatuko diren Aixerrotako landak kotxez libre egon beharko da.

Egitaraua
10.30: Nazioarteko paella lehiaketarako izen ematea
11.00: Euskadiko Sokatira txapelketa
12.00: Dantza emanaldia Itxas Argia dantza taldekoen txikien eskutik
13.00: Bertso saioa
13.30-14.30: Paellen aurkezpena
17.30: Sari banaketa
18.30: Erromeria Akerbeltz taldearekin

Toldoen itzulera uztailak 28, asteartea, 19.00-21.00.

Trafiko-neurriak
Paellen lehiaketa dela kausa eta edozein gorabehera motari aurre egiteko asmoz, hurrengo trafiko-neurriak hartuko dira:

-Jai-esparruan sartzeko zirkuitua: Aingeruaren Etorbidea– Gustavo Adolfo Becquer – Jai-esparrua.
-Jai-esparrutik irteteko zirkuitua: Jai-esparrua – Bosgarrena –Santa Marina – Maidagan.
-Paellen esparruan materiala ahalik eta denbora laburrenean deskargatu beharko dute.
-Zamalanak egiteko ordutegia 10.30ak arte joango da, eta ez da baimenduta egongo jai-esparruan sartzea ordu horretatik aurrera.

Prebentzioko zerbitzuak
Hala bere inguruetan nola jai-esparruan udaltzainak egongo dira, horrela, ekitaldira joaten direnek hauengana jo ahal izango dute edozein informazio mota biltzeko.

Ekitaldi honetarako Getxoko DYAk, bakarrik, istripuei aurre egiteko dispositiboa abiaraziko du. Honen barruan lehen sorospeneko postu finkoa eta bi anbulantzia egongo dira. Hori guztia bidegorrian egongo da, jai-esparruaren sarreraren aurrean zein atzeko aldean.

Ekitaldiaren prebentzioko sistema osoa Getxoko Udalaren Babes Zibil Arloak zuzendu eta koordinatuko du.

Edozein gorabehera edo larrialdiren aurrean gogorarazi behar dugu Getxoko Babes Zibil eta Udaltzaingoaren Larrialdietako telefonoa honakoa dela:
94 466 02 02.

Eskerrik asko zure laguntzagatik.

Labels: Aixerrota, blogetxo, getxoblog, paella

Irailaren 15etik 30era Algortako “Egunsentia” haurreskolako matrikulazio-epea zabalduko da. Haurreskola hori, bere garaian, San Ignacio Ikastetxe Publikoak erabilitako eraikinaren alde batean dago. Haurreskolak Partzuergoak 2010eko urtarrilaren 11n zabalduko dela baieztatu du.

Zentroak 84 neskato eta mutiko hartuko ditu, 0 eta 3 urte bitartekoak. 0-1 urteko 4 gela ( 8 ume gelako, orotara 32) eta 1-3 urteko beste 4 gela (13 neskato eta mutiko gelako, orotara 52) egongo dira.

Matrikula irailaren 15etik aurrera egin ahal izango da Getxoko Herritarrentzako Arreta Bulegoetan.

Berri ona beraz, jakin badakit guraso asko haurreskolaren irekiera itxoiten zeundetela.

Labels: blogetxo, getxoblog, haurreskola, mutikoak, neska

Getxoko Udalak, azken bi urteetan, 668.698,76 € inbertitu ditu udalerriko Haur Hezkuntzako eta Lehen Hezkuntzako ikastetxeak egokitzeko. Hala adierazi du gaur prentsaurrekoan Begoña Ezkurra Hezkuntza zinegotziak. Lan gehienak eraikinen instalazioak mantentzearekin zerikusia dute (alfaltatzea, instalazio elektrikoa, pintura, jolas-inguruen itxiturak, hesiak, saneamendua...). Begoña Ezkurrak adierazi duenez, “Udala udalerriko ikastetxeekin etengabe harremanetan dago, eta urte osoan, ikastetxeen beharrizanei erantzuten ahalegintzen da. Izatez,”, esan du, “egiten dizkiguten eskaeren %90i baino gehiagori erantzuten diegu”.

2009. urtean, lan horietara bideratutako aurrekontua 384.667,09 € da. Lan batzuk amaitu dituzte, beste batzuk egiten ari dira (oporren aldia aprobetxatuz), eta beste batzuk udaren ostean hasiko dira. Getxoko Udaleko Hezkuntza Arloak kopuru horren %60 berreskuratzea espero du, Eusko Jaurlaritzari diru-laguntza eskatu baitio (2008ko azaroaren 11ko agindua dela bide).

Begoña Ezkurrak gogorarazi du aurtengo lanik garrantzitsuena aste honetan hasi dela Erromoko ikastetxe publikoan. Euri-urak biltzeko kanalizazio berriak jarriko dituzte eta IV. patioa asfaltatuko da. Lanon aurrekontua 211.500 €-koa da.

Zentro berean, duela hilabete batzuk kiroldegiaren atal bat egokitu zen eta 21.802 € inbertitu ziren. Aurten Juan Bautista Zabala, Andra Mari, Gobela Ikastola, Geroa Ikastola eta Saratxaga zentroetan ere lanak egin dira.

2008. urtean, Udalak 100.000 €-tik gorako lanak osorik ordaindu zituen Zubilletan, Geroa Ikastolan, Andra Marin, Juan Bautista Zabalan, Erromon, Saratxagan eta Lanbide-heziketarako zentroan (Andra Marin). Era berean, iaz Udalak 183.920 € inbertitu zituen Gobela Ikastolan, Erromon, Andra Marin, Zubilletan, Juan Bautista Zabalan eta Saratxagan egindako lanetan. Lan horientzat ere diru-laguntza eskatu da Eusko Jaurlaritzako Hezkuntza Sailean.

Labels: blogetxo, egokitze lanak, getxoblog, hezkuntza, Hirigintza, ikastetxeak

Ikusi Lanean gabiltza

Udalerriko zati handi batean abian diren obrak –behin amaitzen direnean hiritarren bizi-kalitatea hobetuko dutenak– erritmo egokian ari dira gauzatzen.

Gehienak honez gero hasita daudela, obra nagusien garapena, eraginak eta bilakaera ezagutu nahi izanez gero, www.getxo.net udal webean horretarako atal bat gaitu du Getxoko Udalak.
Lanak egiten ari diren gunea kokatzea ahalbidetzen duen kaleen mapa baliatuta, proiektuaren, lanak egiten diren bitartean sor daitezkeen eragozpenen (hala nola, kaleak zarratzea, aparkalekuak kentzea eta zirkulazioko noranzko aldaketak) ganeko informazioa zein arretarako telefonoa, 94/466 01 05, eta, nahi izanez gero, parte hartu hal izateko foroa, jasotzen dira.

Zergatik lanak udan
Planteatu diren kexen artean, gune publikoetan, besteak beste, Areetako Kaian, Arrigunaga pasealekuan edo Txabarri Zuazo parkean, gauzatzen ari diren obrak gauzatzeko unearen egokitasunarekin lotuta daudenak agertzen dira.
Gogorarazi behar dut obra horiek Tokiko Inbertsioko Estatuko Funtsak emandako diru-laguntzekin ari direla gauzatzen eta laguntza horiek jaso ahal izateko ezarritako baldintzen artean obra horiek abenduaren 31 baino lehen bukatuta egon behar dutela dela. Baldintza hori ez-betetzeak kostuaren %100 estaltzen duen dirulaguntzaren galera eragingo luke. Horregatik, obra horren zati handi bat udan egikaritu behar da. Gainera, Funts hori ekonomia 2009an berraktibatzeko helburuarekin jarri da martxan.

Labels: blogetxo, getxoblog, Hirigintza, lanean gabiltza, proiektuak

Ostiralean gaueko 21:30etan Benito Lertxundik kontsertua eskainiko du Biotz Alai plazan. Beraz, "Itsas ulu zolia", bere azkenengo diskoa, Getxon entzuteko aukera edukiko dugu. Bertan agertzen diren abestien artean baten bat goraipatzekotan Mirotzeei eskeinitakoa aukeratuko nuke.

Iñigo Urkulluk bere blogean dioen bezala: "Zoragarria! Herri batek bere seme-alabak garaipenerako bidean (Orio-k bere traineru/lehia-ontzia kasu honetan), bere ezaugarriak goraipatuz eta poz eta minez egin beharreko bidean ez direla inoiz bakarrik joango azpimarratu egiten duelako".

Abestian Benitorekin, arraunlariak eta ikastolako hainbat ikasle parte hartu dute. Orioko herriak badauka bere "You will never walk alone".

Abestia entzun nahi baduzue: Karkara.com (Orio eta Aiako orainkari)


Este próximo viernes tendremos la oportunidad de disfrutar con el concierto que el "bardo de Orio" nos va a ofrecer en Algorta, en la plaza Biotz Alai. Una magnífica oportunidad por tanto de escuchar sus útimas creaciones musicales compiladas en el CD de título "Itsas ulu zolia" y de disfrutar, una vez más, con sus clásicos de siempre, de entre los que tengo una especial debilidad por todos aquellos extraídos del cancionero popular Zuberoztarra. Somos muchos los que nos hemos enamorado de iparralde y de sus euskalkis a través de las canciones de Benito. Un grande entre los grandes, nuestro particular Leonard Cohen.

PD1: la ilustración de la portada del nuevo disco de Benito Lertxundi “Itsas ulu zolia” es obra del pintor getxotarra Carmelo Bilbao-Unanue.

PD2: Autore eta Argitaratzaileen Elkarte Nagusiak (SGAE) euskarazko abesti onenaren saria eman diote Benito Lertxundiri, Mirotzak kantua dela-eta.


Abestiaren hitzak:
MIROTZAK

Nire herria
Mirotz leinua
Arrau orru
Bihozkadaren ohiua.

Eguzki printzek
urrez jantzia
Garaitz mina
Daraman lehia-ontzia.

Denboretan
Mirotzen hatsa
Kantaurian
Itsatsirik den ugatsa.

Itsas deia
Argiñabarrez
Datorkio mirotzari
Irribarrez.

Itsas gizon
Kresaltsuak
Poz eta minen
Uretan miroztuak.

Etzara inoiz
Bakarrik joango
Mirotz gogoa
Da zure arnasa izango.

Nire herria mirotz
Mirotz leinua
Arraun orru
Bihotzkadaren oihua.

Labels: Benito Lertxundi, blogetxo, getxoblog, kultura, musika

Getxoko Udaleko Ekonomia Sustapenerako Sailak urteko lehen sei hilekoan 232.000 euroko ez ohiko aurrekontua zuzenduko du krisiak udalerriko langabetuengan eragindako egoerak hobetzen laguntzeko neurriak sustatze aldera. Udal gobernuaren ildo estrategiko nagusienetarikoa sustapen ekonomikoa da, udalerrian aberastasuna eta lanpostuak sortze aldera. Izan ere, 2009rako aurrekontuak zikloaren kontra, munduko krisialdiari aurre egiteko, egin ziren. Hori zorpetze handiarekin, baina arrazoizkoa, eta beti legalitatearen barruan.

232.000 euroko ez ohiko aurrekontua, honako hauetarako izango da: Behargintza-Enplegu eta Ekonomia Garapenerako Zentroko harrerako eta arretako zerbitzuak sustatzeko; INEM-Tokiko Erakundeen arteko hitzarmenaren bidezko enplegu eskaintzarako; enpresetan heziketa ikastaroak edo lan eskaintzak izateko dauden aukera aztertzeko eta ekimenak udalerriko ahalik eta bizilagun gehienengana heltzeko heziketa eta komunikazioa zabaltzeko.

Datorren sei hilabeteei begira ez ohiko beste inbertsio bat egitea aurreikusten du Udalak, langabeziaren egungo arazoari aurre egiteko.

Behargintza
Getxoko Udaleko Ekonomia Sustapenerako Sailak, Behargintza-Enplegu eta Ekonomia Garapenerako Zentroaren bitartez, 10 urte baino gehiago daramatza udalerriko langabetuei, ekintzaileei eta enpresei zerbitzua eskaintzen.

Enplegu Zentroak 2008an 3.016 pertsona artatu zituen (horietatik 3.014k izena emanda zuten INEMean) eta horrek udalerriko langabetuentzat zerbitzu erreferente garrantzitsu bihurtzen du.

Krisi orokorraren egoerak eragin du udalerriko langabezi tasa %9,4koa izatea. Bizkaian, langabezi tasa %12,2koa da eta Euskal Autonomi Erkidegoan %11,5ekoa.

Getxon (2009ko ekainaren 30ean) 3.403 langabe daude (INEMen datuen arabera), 2008ko ekainean baino 751 pertsona gehiago.
Behargintzaren Enplegu Zerbitzuetan (informazio, orientazio, heziketa eta praktikak) 2009ko lehen sei hilekoan artatutako pertsonen kopurua 2.252koa izan zen; 2008ko lehen sei hilekoan baino %24 gehiago eta enpresen lan eskaintzen kopuruan %18ko jaitsiera izan da (123 eskaintza izan dira lehen sei hilekoan, 2008ko epe berean 150 izan ziren bitartean).

Bestalde, INEM Tokiko-Erakundeen arteko ekimenaren bidez, Getxoko Udalak 15 pertsona kontratatu ditu sei hilabetetarako. Zailtasun handiak dituzten pertsonak gizarteratzeko Lagunduz eta FCC (Fomento de Construcciones y Contratas SA) enpresekin sinatutako hitzarmenei esker 7 eta 5 kontratu izan dira, hurrenez hurren. INEMen arabera, Getxon ekainean 1.069 pertsona kontratatuak izan dira.

Esan azkenik, Udalak eskaintzen dituen enplegu zerbitzuei buruzko informazio ekintzak langabe “berriei” begira ugaritu egingo direla, udal zentroak eskaintzen dituenez (aholkularitza, heziketa eta abar) disfrutatzeko aukera lehenbaitlehen eduki dezaten.


MP3 fitxategiaren deskargarekin nire adierazpenekin(I).




MP3 fitxategiaren deskargarekin nire adierazpenekin (II).

Labels: behargintza, blogetxo, emplegua, getxoblog

Uztailean zehar, Bizkaiko Foru Aldundiak milioi bat eskutitz pertsonalizatu bidaliko dizkie lurralde historikoan erroldatuta dauden 14 urtetik gorako pertsona guztiei. Bidalketa hori ez da lehenengoa izango; izan ere, orain dela bi aste, proiektu pilotuko udalerrietako (Basauri, Abanto-Zierbena, Balmaseda, Basauri, Galdakao, Mundaka eta Arratiako Mankomunitateko udalerriak)biztanleei ere eskutitza bidali zitzaien.

Eskutitz pertsonalizatuan, aktibatze-kode bat eta www.bizkaia.eu web orriari lotzeko esteka bat daude. Web orri horretan, interesdunak posta elektronikoko bere kontua sortu ahal izango du, nahi duen izenarekin eta bizkaia.eu. berezko domeinuari lotutakoa. Halaber, erabiltzailearen esku, helbide elektroniko bat eta erabiltzaileari laguntza emateko doako telefono bat jartzen dira, nahi dutenek bizkaia.eu.domeinuaren erabilerari buruzko galderak eta zalantzak galdetzeko.

Toki eta foru administrazioarekiko zuzeneko harremana
bizkaia.eu posta sistema BiscayTIK proiektuaren hiru ardatzetako bat da. Pertsonei onura bat emateko diseinatuta dago, eta, horretarako, bai Administrazioarekin harremanetan jartzeko bai beren kontuetarako erabili ahal izango duten erreminta bat eskaintzen die.

Prestazio altuko posta sistema da, ezaugarri nagusi hauek dituena: Doakoa da erabiltzailearentzat; mezuak bidali eta jasotzeko eta bilatzeko aukera ematen du; postontziaren edukia 5-GBkoa da; kontaktuak kudeatzeko aukera ematen du; zereginen egutegia dauka; euskaraz eta gaztelaniaz dago; dsasunerako A bikoitza du, desgaitasunen bat duten pertsonek ere erabili ahal izateko, eta ez du publizitaterik.

Aurrekoez gainera, honako hau esan daiteke posta elektronikoko helbide honetaz: “toki-administrazioaren eta bizkaitarren arteko komunikazio digitalerako formula bihurtuko da; haren bitartez, bizkaitarrek aukera izango dute zuzenean diru-laguntza berriei, lan-eskaintzei, kontratu publikoei, eskaeren epeei, kanpainen hasierari eta amaierari edo beren intereseko beste edozein gaiari buruzko informazioa izateko”.

BiscayTIK
BiscayTIK proiektua helburu birekin sortu zen: informazioaren teknologiak hurbildu eta horien erabilera gizartean sustatzea eta Bizkaia informazioaren eta ezagutzaren teknologia berrien Europako erreferente bihurtzea.

Proiektuak 45 milioi euroko inbertsioa izango du, gutxi gorabehera. Espero da 30-40 lanpostu berri sortzea, eta beste 150 lanpostu haren eraginez. Hona hemen proiektuaren hiru ardatzak: bizkaitar guztientzako doako posta elektronikoa sortzea, euskaraz eta gaztelaniaz eta publizitaterik gabea, bizkaia.eu domeinuari lotua; udaletan erabiltzen diren sistema informatikoak berritzea eta herritarrek administrazioarekiko izapideak egiteko web atari bat sortzea (haren bidez, herritarrek aukera izango dute ehun izapide Internet bitartez egiteko), eta nazioartean aitzindaria den zentro teknologoko bat sortzea, proiektu berritzaile hau garatzeko.

Labels: BiscayTIK, Bizkaiko foru aldundia, blogetxo, getxoblog

Ostirala 10
18.30: Txupinazoa, kalejira buruhandiekin guztientzako gozokiekin
19.00: Haurrentzako izugarrizko jaialdia: puzgarriekin, ludotekarekin eta tailer askorekin
22.30: Lisker musika taldearekin dantzaldia

Larunbata 11
11.30: Haurrentzako jaia aparra eta tailer atseginekin: marrazki lehiaketa, eskulan tailer ezberdinak, aurpegi margozketa tailerra
12.00: Izugarrizko tortila lehiaketa
12.15: Bizikleta geldoen lasterketa
12.30: Igel Txapelketa
13.00: Herri kirolak
17.00: Mus txapelketa
18.00: Haurrentzako izugarrizko jaialdia: puzgarriekin, ludotekarekin eta joku askorekin
22.30: Haurrentzako berbena

Igandea 12
11:15: Haurrentzako jaialdia: puzgarriekin eta umeentzako olinpiadak: (errelebuak, zelai errea, Armaiarmaren jokua,...)
11.30: Futbito txapelketa
12.00: Paella lehiaketa
12.30: Izugarrizko umorezko rally
18.00: Mozorro lehiaketa
19.00: Play-back lehiaketa
21.00: Sari banaketa
22.00: Zinemaldia

Labels: blogetxo, getxoblog, jaiak, neguri langile

Copyright Wang Qingsong. Dormitory,2005




Gaur goizean Getxophoto 3. aurkeztu dugu.

Informazio gehiago: Getxophoto 3


MP3 fitxategiaren deskargarekin nire adierazpenekin.

Labels: artea, blogetxo, euskal kultura, getxoblog, GETXOPHOTO

Getxoko Udalak aurten 70.000 euro banatuko ditu, iaz baino 4.400 euro gehiago, Gizarte Zerbitzuen arloan jarduten duten erakunde, elkarte eta organizazioetarako diru laguntzetan. Eskaerak aurkezteko epea datorren abuztuaren 10ean amaituko da. Gizarte Zerbitzuen arloaren xede eta helburuekin bat datozen programa eta proiektuak egiteko diren diru-laguntzak 2008-2011 Legegintzaldiko Planaren jarduketa lerroetan sartzen dira, “Gizarteratzea, Bizikidetza eta Elkartasuna” Ardatz Estrategikoren barruan.
Ondoko hauetarako emango dira diru-laguntzak: azterlan edo ikerlanak egiteko; baztertuta dauden edo baztertuak izateko arriskutan dauden gizarte-kolektiboak baztertuak izan ez daitezen aurre neurriak hartzeko eta proiektuak egiteko eta herritarrei informazioa emateko eta sentsibilizazio proiektuak. Proiektuak biztanleei, oro har, edo sektore jakinei bideratu ahal izango zaizkie.
Diru-laguntzak dirua irabazteko asmorik ez duten elkarteek eskatu ahal izango dute, beti ere Eusko Jaurlaritzan, Bizkaiko Foru Aldundian edo Getxoko Udalean izena emanda badute. Getxon egoitza soziala duten taldeek ere eskatu ahal izango dute.
Eskaerak Udaletxeko Erregistro Orokorrean eta Gizarte Zerbitzuetan, Andra Mariko eta Romoko Herritarrei Arreta egiteko Bulegoetan eta Udaltzaingoaren egoitzan dagoen Herritarrei Arreta egiteko Gunean aurkeztu ahal izango dira, legeak aurreikusten dituen tokiez gain

Labels: blogetxo, diru-laguntzak, getxoblog, gizarte zerbitzuak

Getxoko Udaleko Euskara zerbitzuak Gehi Euskara Merkataritzara egitasmoaren barruan “Eroan euskaraz! Hablar euskera se lleva!” lelopeko kanpaina jarriko du martxan uztailean, oraingoan mertzerietan, jantzi-dendetan, zapata-dendetan, jostailu-dendetan, kirol-dendetan eta edergintza dendetan.
“Aurrekoetan bezala, merkatarien eta herritarren arteko elkarreragina sustatzea da helburua” azaldu du Koldo Iturbek, Euskera zinegotziak. Mota honetako ekimenak gaur egun ofizialak diren bi hizkuntzetatik ahulena berreskuratzen laguntzeko egiten dituela Udalak aipatu du zinegotziak. “Horregatik alor desberdinetan, tartean merkataritzan, euskararen erabilpena sustatzeko jarduerak antolatzen ditugu” gehitu du K.Iturbek.

Oraingo kanpainan momentuz 51 dendek hartuko dute parte. Horietan euskaraz erosten duen herritarrak RIST-RAST IRABAZI txartel bat jasoko du. “Txartelak saria badu erosketak eramateko poltsa bat irabaziko du erosleak. Poltsa, poltsikoan edo poltsan erraz eraman litekeen poltsatxo baten barruan dator, eta beraz, plastikozko poltsen ordezko oso egokia izan liteke” azaldu du zinegotziak.

Guztira 10.000 RIST-RAST IRABAZI txartel eta 5.000 poltsa banatuko dira dendetan, 200 kartelekin eta 43.000 triptikorekin batera.

Duela hilabete batzuek, kanpaina honen aurretik, beste bi izan ziren martxan udalerriko merkataritzako beste sektore batzuetan. Horrela, urtearen hasieran “Okindegian ere euskaraz” izeneko kanpainan guztira, 31 okindegik hartu zuten parte eta oihalezko 2.000 poltsa banatu ziren. Horren ostean, “Erosi euskaraz” kanpainan 59 dendak hartu zuten parte: 31 harategi, 16 fruta-denda eta 12 arrandegi. Establezimendu hauetan erosketak egiteko 3.000 koadernotxo banatu ziren, koadernotxoek hiztegi praktikoa zuten barruan.

Labels: blogetxo, euskara, getxoblog

Getxoko Udalak udalerriko 196 familia ugariri diru-laguntza ematea adostu du, egungo gobernu taldeak ezarrita duen elkartasuneko ardatz estrategikoaren barruan. Banatuko duen zenbateko osoa 17.730 eurokoa izango da, bere kideek kultura, gizarte, ekonomia, kirol edo aisialdiko udal jardueretan parte hartzera bultzatzeko helburuarekin.

Familia bakoitzari laguntza ekonomiko bakarra emango dio Udalak, bere kategoria (kideen kopurua eta ezaugarriak) eta ohiko etxebizitzaren katastroaren balioa kontuan hartuta.

Familia jasotzaile gehienek 3 seme-alaba dituzte eta katastroaren balio ertaineko etxebizitza batean bizi dira.

Labels: blogetxo, diru-laguntzak, famili ugariak, getxoblog

Uztailaren 6an eta 7an
Algortako Biotz-Alai Abesbatza Plazan
22.00
Sarrera dohainik
Astelehenean gaztelaniazko emanaldia
Asteartean euskarazko emanaldia

Istorio bikainak, film laburretan sartuta, proiektatzen dira zazpigarren arteri eskainitako gau horretan. Jende ezaguna etortzen da ekitaldi honetara zuzendari gazteen film labur bitxien eta berritzaileenak aurkitzeko. Lehenengo jardunaldian erdarazko film laburrak proiektatzen dira eta biharamunean, euskarazkoak.

Labels: blogetxo, gaurik laburrena, getxoblog, zinemaldia

Getxoko Udalak jadanik ezagutzera eman ditu zeintzuk izango diren Getxoko “Itsasoratzea” egitasmoak 2009 denboraldian izango dituen berritasunik handienak.

Hortaz, berritasun horietako batzuk ondorengoak izango dira: bi orduko iraupena izango duten irteerak, ostegunetan (nabigatzailearen ostegunak), irteera merkeagoak astegunetan,eta Getxo-Donostia-Getxo itsas bidaia (6 eguneko iraupenarekin).
“Nabigatzailearen ostegunak” izeneko egitasmoak irteerak eskaintzen ditu ostegunero, bi orduko iraupenarekin,–martxotik urrira-. Topalekua Kapitaintzako pantalana da, 17:00etan, eta prezioa, pertsona bakoitzeko, 25 €koa. Horrez gain, astegunetan irteerak egiteko aukera ere badago, astelehenetik ostegunera, prezio merkeagoan. Jardunaldi erdiko ibilbidea dago, Abratik, 10:00etatik 14:00etara, 40 €ren truke; edo, nahiagoz gero, egun osoko irteerak prestatu dira (Getxo-Gorliz edo Castro Urdiales-Getxo), 10:00etatik 19:00etara, 65 €ren truke.

Euskal Kostaldea Getxo-Donostia-Getxo irteerak 6 egun nabigatzen egotea proposatzen du. Irteerak astelehenero izango dira, 10:00etan, irailaren 14a arte. Gosariak prezioaren barruan daude (695 €); Horrez gain, nahi izanez hainbat portu bisitatzeko aukera ere badago.

Aurreko urtetan bezala, belaontziak alokatzeko aukera egongo da (Patroiarekin), eta baita kirol ikastaroak egiteko aukera ere (bela arina eta PER titulua eskuratu ahal izateko ikastaroa), beste ekitaldi batzuen artean.

Itsasoratzea

“Euskal Kostaldean itsasoratzea” izeneko ekimenari esker, gure geografiako portuak eta herriak ezagutzeko aukera ederra dago, hori guztia beste ikuspegi batetik, hau da, belaontzi modernoen eta erosotasun guztiak dituztenen ikuspegitik, paisaiaz gozatzeko asmoz. Halaber, ekimena aukera ederra da nabigatzeko tekniken inguruan lehenengo pausoak eman nahi dituztenentzat, eta baita tripulazioaren beharretan zuzenean parte hartu nahi dutenentzat ere (lurra hartzea, itsasontzia gidatzea, belak luzatzea..).

Itsasontziek, beti ere, kalitate eta erosotasunaren baldintza guztiak betetzen dituzte. Kabina bikoitzak dira nagusiki, eta 6 eta 12 pertsona artean hartzeko ahalmena dute. Aurten, guztira, 15 itsasontzi egongo dira, guztira 137 pertsona hartzeko gaitasunarekin (eskaintza %34 hazi da 2008 urtearekin alderatuta, lekuen kopuruari dagokionean).

Ekimen hau Getxoko Udalak sustatzen du, eta alorreko udalerriko 9 enpresen laguntza ere jaso du: Adaska Nautika, As de Guía, Bilbokosta, Sotavento Eskola Nautikoa, Jose Luis de Ugarte Bela Eskola, Getxo Bela Eskola, Larrinaga-Santín Nautika, Roberto Santos Selas eta Shackleton.

Argibide gehiago jaso edo erreserbak egin nahi dituzten pertsonak Getxoko Turismo Bulegoarekin edo bidaia agentziekin jar daitezke harremanetan.

Labels: bela, blogetxo, getxoblog, itsasoratzea, turismoa

Eguzkiak gogor jotzen zuen azken larunbateko eguerdian. Ondarretako Batzokiaren urteurrena ospatzeko antolatutako programari hasiera emateko ohorezko aurrezku baten ondoren ikurriña altzatzeko ohorea eduki nuen. Ez nuen inoiz horrelakorik egin eta benetan unkigarria izan zen ikurriña nola igotzen zen poliki, poliki ikustea.

Ehun eta bat urte ez dira egunero ospatzen. Atzean geratu ziren aurreko batzokiak (nik Romoko Ganeta plazan ezagutu nuen aurreko bakarra) baina batez be, zenbat ahalegin, zenbat iluzio, zenbat itxaropen eta zenbat alderdikide zintzo eta konprometitua, gaur egunean gure artean ez daudenak. Eurentzako beraz gure oroimena eta euren oroimenaren aurrean, aurrera jarraitzeko gure konpromisua. Katea ez da eten!

Labels: blogetxo, EAJ-PNV, getxoblog, ondarreta

Labels: blogetxo, getxoblog, kultura, MCLAN, musika

Hasi baino lehenago, zuen aurrean agertzen den mahaia aurkeztu nahiko nuke, Getxoko Udalaren Bozeramaileen Batzarra alkatearekin batera osatzen duten udal talde politiko guztien (EAJ-PNV-PP-PSE-EE eta Alternatiba) bozeramaileek eratua.

Prentsaurreko honetara dei egin dizuegu udaleko talde politiko guztiok, Bozeramaileen Batzarrean bilduta, azkenean lortu dugun akordioaren errealitatea Getxoko herritarrei helarazteko, gure udalerrian gainditu gabe zegoen ikasgai historikoetako bati heltzeko, gerra zibilaren aurreko gatazka zibilen eta diktadura frankistaren biktimak aintzatestea eta omentzea alegia.

Aho batez hartutako erabaki hau, hortaz, formalki eta handikiro onetsiko dugu, adierazpen instituzional moduan, datorren ekainaren 26an (ostirala) egingo dugun osoko bilkuran. Eta honekin gure herriko historiaren atal beltz eta mingarri hauen biktimen errealitatea, justizia historikoagatik, ahanzturan ez uztera zuzendutako ibilbidea hasiko dugu, betiere adiskidetze eta adostasun klabean ulertutako aintzatespen eta omenaldiaren bidez. Helburua honelakorik berriro ere ez gertatzea da.

Adierazpena irakurtzeari ekin baino lehenago, alkate gisa dudan poza, eta agertutako udal talde politiko guztiena, plazaratu nahi dut, erabaki honen bidez biktimak aintzat hartzeko garatu dugun lan komunaren bigarren adierazpena den honengatik, adostasun, akordio eta erantzukizuneko klabean.

Gogoratuko duzuenez, elkarrekin egindako lan honen lehenengo adierazpena terrorismoaren biktimak aintzat hartzeari buruzko adierazpen instituzionala izan zen, udal talde politiko guztiek babestuta. 2009. urteko martxoaren 27an egindako osoko bilkuran onetsi genuen.

PDF fitxategiaren deskarga adierazpenarekin.




MP3 fitxategiaren deskargarekin nire adierazpenekin (I).




MP3 fitxategiaren deskargarekin nire adierazpenekin (II).

Labels: Alternatiba, blogetxo, bozeramaileak, dikatdura frankista, EAJ-PNV, gerra zibila, getxoblog, PP, PSE-EE

Getxo Antzoki berria eraikitzeko proiektuaren 1. faseko lanak, antzoki berria, Musika Eskola eta San Nikolas plazako lurpeko aparkalekua hartuko duen zuloaren indusketa lanak, abuztuaren amaiera eta irailaren hasiera bitartean hasiko dira. Bihar ostiraleko, hilaren 26ko, ohiko Udalbatzak, lan horiek TECSA-EXIXA enpresa elkarteari emateko proposamenaren gainean erabakia hartuko du. Halaber, proiektua aurrera eramatea ahalbidetuko duen HAPOko xedapenaren aldaketa behin-betiko onestea proposatuko da ere saio berean.

1 fase honetako lanek 6.000.000 euroko aurrekontua dute eta 16 hilabete inguruko iraupena izango dute. 5.000 m2 inguruko eremuan egingo dira lehen lan hauek eta beren helburua da, Getxo Antzoki zaharrak betetzen zuen gunean, ondoko lursail birkalifikatuetan, San Nikolas plazan, Andres Kortinako esparru batean eta ,baita, bi arloen artean dagoen Basagoiti Etorbideko tartean, hondeaketa egin eta lurrak hustutzea.

Hirigintza zinegotzi Joseba Arregik aditzera eman duenez, “zuloak 10 eta 15 metro arteko sakonera izango du, 1.116.000 m3 lur mugituko dira, etorkizunean 3 solairuko aparkalekua eta Getxo Antzoki berria hartu ahal izateko”.

Lanak hasita, aldaketak izango dira oinezkoen eta autoen joan-etorrietan. Izan ere, Arregiren esanetan, oinezkoentzako bidea ez da etengo Basagoitiko Etorbidean, pasabidea ipiniko dutelako zuloaren gainetik –Telefonikaren egoitzatik elizara arteko tartean-. Zirkulazioari dagokionez, noranzkoa aldatuko da Andres Kortina kalean.

Lehen fasearen ondotik etorriko dira bigarren bat San Nikolas plaza azpian, Andres Kortina kaletik (Algortako Etorbideko kantoian) sarrera izango duen aparkalekua egiteko, hirugarren bat antzokia bera altxatzeko eta laugarren bat plaza eta inguruak txukuntzeko azken ikutuak emateko.

Arregik aipatu du inguruko auzokideekin bilduko direla lanak zelan egingo dituzten eta uneoro zelan dauden azaltzeko asmoz, eta baita, “ahal dugun neurrian, laneek eurei eragingo dizkieten trabak arintzen ahaleginduko gara, garrantzitsuak izango baitira, batez ere, lehen bi faseetan”.

Labels: blogetxo, euskal kultura, Getxo Antzokia, getxoblog

Getxoko Udaleko Berdintasunerako sailak datorren igandean, ekainaren 28an Gay, Lesbianen eta Transexualen eguna ospatuko dela eta, bi laburmetraien aurkezpena antolatu du bihar, ostegunean, ekainaren 25ean.

Laburmetraiak Tania Arriagaren “La espinita” eta Yolanda Martínezen “De compras con mi madre”izango dira. Proiekzioaren ondoren solasaldia izango da zuzendariekin.

“La espinita” laburmetraiak sari batzuk lortu ditu, tartean 2009ko Zinegoaken fikzioko laburmetraiaren edo dokumental hoberenaren saria, 2009ko CINOHOMOn (Valladolideko Zine Gayko Jaialdia) laburmetraia hoberenaren epaiaren saria eta gai sozialeko Laburmetraien Nazioarteko I Jaialdiaren epaiaren eta publikoaren akzesita Berriozarrean 2008an.

Saioa 19:30ean hasiko da Algortako Kultur Etxean, Villamonten. Sarrera doakoa izango da.

Labels: blogetxo, gay, getxoblog, lesbiana, transexual