Imanol Landaren bloga

Goiz polita gaurkoa, eguzkitsua eta argia. Etxeandia Apezpikuaren parkera hurbildu gara, parkearen egokitze lanak amaitu egin direla eta zabaltzen dela prentsari jakinarazteko. 320.000€ tako inbertsioa parkea goitik behera aldatzeko. Aurreko parkeko bi mailak, batean bihurtu ditugu, zorua aldatu, jolasgune handia erdian jarri eta inguruan jesarleku luze bat. Bertara ailegatzeko sarrera ere egokitu dugu iresgarritasunezko irizpideekin, parkea guztion zerbitzurako egoteko, baita mugikortasuna murriztua duten auzokideentzako.

Ez da parke handia, ia 800m2-koa, baina bai gune gozoa eta ondo prestatuta umeekin lasai eta eroso egoteko.

Aurreko astean Villamonteko igogailuak eta gaur Etxeandia Apezpikuaren parkea. Ez da txarra ez , azken bolada honetan daramagun bidea. Eta hurrengo astean, obrak amaitzen badira, Gobelaurreko parkearekin jarraituko dugu. Aurrera beraz!

Labels: algorta, Getxo, getxoblog, Obispo Etxeandia, parkea, TB

Labels: Getxo, getxoblog, Hirigintza, igogailua, TB, Villamonte

Fadurako udal Kiroldegiko instalazioak zaharberritzeko, Udalak, 2008ko ekaineko uholdeek utzitako kalteen ondotik abiatutako plana azken fasean sartu da eta aurtengo lehen seihilekoan amaitzea aurreikusita dago. Lan horiek 2008ko bigarren seihilekoan hasi ziren eta 7 milioi euro inguruko inbertsioa ekarri dute. Diru-kopuru honen %90 Bizkaiko Foru Aldundiak emango du.

Fadurak bizi duen itxura aldatzearen irudirik adierazgarriena da egoitza nagusiko atondoa, batzar aretoa, kirol kantxa eta igerilekuenak osatzen dutena.
Berriztatze lan hauek eragin zitzaketen enbarazuak ahal den neurrian arintzeko asmoz, Getxo Kirolak udal erakunde autonomoak lan-egutegia finkatu zuen berritze lanak hiru fasetan batzeko. Hartara, astero 6.000 lagunetik gora biltzen duten Fadurako kirol ikastaroen programazioari eutsi ahal izan zaio, ez baita bertan behera geratu.
Dagoeneko hasi den hirugarren eta azken fasean, atletismo pistaren zaharberritzea egingo da (1.300.000 euro bideratuko dira horretara), errugbi zelaian argi berriak ipiniko dira eta zenbait egokitze lan ere egingo da (390.000 euro) eta hondarrezko futbol zelaia kendu eta belar artifizialeko gunea egokituko dute, era askotako jarduerak egiteko (232.000 euro). Horrez ganera, aurten Bolua I eta II futbol zelaietako belar artifiziala aldatzeko asmoa dago, baita zelai hauen itxitura metalikoaren ordez plastikozko bat ipintzea ere.

Lehen fase batean, 2009ko martxoan amaitu zena, Getxo Kirolakek lehentasuna zuten lanak agindu zituen. Izan ere, barruko igerilekuak barriztu ziren (1.866.000 euro), baita aterpeko tenis pistak (450.000 euro), padel pistak (188.000 euro) eta estatetika eta osasun zerbitzuko gunea (154.000 euro).
Bigarren fase batean, 2009ko amaierara arte luzatu zena, bazkide eta erabiltzaileen arretarako bulegoak birmoldatu zituzten (332.000 euro), eta horrekin batera, batzar aretoan (230.000 euro) eta estalpeko kirol kantxan (217.000 euro) ere lanak egin ziren.

Beste lan batzuk

Zaharberritze lan hauek egitearekin batera, Getxo Kirolakek, Ekonomia Sustapen eta Enpleguaren Udal Zerbitzuarekin (Getxolan) elkarlanean, ludoteka berria eta ostalaritza zerbitzua egokitzeko lanak egingo dira. Datozen hilabeteetan zabalduko dituzte bi zerbitzu horiek Fadurako antzinako jatetxean. 1.630.000 euroko aurrekontua dute, eta horietatik 700.000 Bizkaiko Foru Aldundiak emango ditu.
Kirol ekipamenduetan egin den inbertsioari gehitu behar zaizkio, azkenik, Gobelako fultbol zelaiko argien egokitzea (117.000 euro) eta Andra Mariko kiroldegiko estalkia aldatzeko egiten ari diren lanak. Udaberrirako amaituko dira, seguruenera, eta 560.000
bat euroko kostea dute, Toki Inbertsiorako Estatu Funtsaren kontura.
Getxo Kirolakeko arduradunek aurtengo finkatutako beste helburu bat da leku egokia aurkitu eta Gobela erreka bideratzeko lanek eragina izango duten kirol instalazioak bertara eramatea. Aipatu lan horiek dagoeneko Neguriko futbol zelaia itxiarazi dute.


Antolaketan izandako aldaketaren gaineko balantze positiboa

Instalazioak zaharberritzeko prozesuarekin batera, Getxo Kirolakek, 2008ko amaieran, hobekuntza plana abiatu zuen udalerrian kirol jarduera eta aisialdi eta bizi osasungarri baten aldeko alternatibak bultzatzeko asmoz. Horretarako egitura antolatzaile berria ezarri du. Kirol jarduera federatua, eskolakoa eta afizionatua sustatzen duten bertako kirol eragileekin era koordinatuagoan lan egiten ari da.
Abiatu eta urtebetegarrenera egitura berri honen gaineko balantzea oso ona da. Ekitaldiek eta parte-hartzaileen kopuruak gora egiteaz gainera, iazko urtean zehar aurreko urtean baino 2.300 abonatu gehiago izan da. Hau da, abonuak %10 hazi dira eta aurreko hiru urteetan geratzeko izan duen joera aldatu da.

Labels: berriztuta, Fadura, Getxo, getxoblog, kirolak, TB, Álvaro Gónzalez

Labels: FICOMIC, Getxo, Getxo komikia, getxoblog, kultura, TB

Ondare arkitektonikoa eta kulturala deskribatzen duen ibilbide autogidatua da

Areetako Moilan zehar “Getxoko Etxe Handien pasealekua” izeneko ibilbide arkitektonikoa irudizkatzen duten 20 informazio panel jarri ditugu. Historialari bat prestatzen ari den udalerria zeharkatuko dituzten zazpi ibilbide turistiko-kulturalaren proiektuaren lehenengo ekimena da hau. Gainontzeko guztiak udaren hasieran aurkeztuko dira.


Ibilbide sare honen azken helburua da Getxoko ondare arkitektonikoari balio handiagoa eman, aberastasun handikoak izanik bakarka erakartzeko ahalmen nahikorik ez duten elementuek osatutako baliabidea dela. Halere, batera, ordenatuta eta gaika sailkatuta, produktu turistiko erakargarri, sustagarri eta merkaturagarriak izan daitezke, “Getxoko Etxe Handien pasealekua” bezalakoak.

“Getxoko Etxe Handien pasealekua”, hartara, 20 panelek seinaleztatutako ibilbide autogidatua da, bi irudiekin, nagusi batekin eta bigarren mailako beste batekin (eskuz egindako urmargoak) osatuta, eta panelaren elementu protagonistari buruz 3 hizkuntzatan (euskaraz, gazteleraz eta ingleraz) idatzitako interpretatzeko testu batekin lagunduta daudela. Ekimen hau sustatzeko informazio foileto baten 5.000 ale argitaratu dira.

Panelak Getxoko arkitekturari buruzkoak dira: estiloak eta protagonistak; Etxe Handiak; Cisco, Cisco II eta Cisco III etxeak; Kaiertza; Kaialde; Ariatza Etxea; Bidearte; Itsas begi; Amandrerena; Real Club Marítimo del Abra- Real Sporting Club; ABCD Etxea; Kai Gane; Cristina Etxea; garaiko gizartearen testuingurua; Areetako hondartza; Getxoko Historia; Evaristo de Churruca eta Evaristo de Churrucaren monumentua.

Ibilbideak Churrucaren moilan eta Bola hondartzan dauka hasiera eta bukaera bereizgabea, eta bidean elementu erakusgarriak irudiztatzen ditu, batez ere, jauregiak, etxeak eta monumentuak, Areeta auzoko garai ospetsuenenetako garaikoak (XIXgarren amaierakoak eta XXgarren hasierakoak).

Etorkizunari begira, eta ekimen honen arrakasta ikusita, bigarren fase bat planteatuko da, oraingo honetan Atxekolandetako etxeei buruzkoa, berriro ibilbide turistiko-kulturalak oinarritzat hartuta, jada “Getxoko Etxe Handien pasealekua” honen lehen zatiaren ganeko informazioa biltzeko balioa izan duena.

Labels: Areetako moila, etxe handiak, Getxo, getxoblog, TB, turismo

Aste honetan Gobelako liburutegia ireki da, orain arte Erromoko eta Areetako liburutegietako zerbitzua hartzeko, bi leku horietan lanak hasiko dira eta. Guztira, areto berriak 400 metro koadroko azalera izango du; helduentzako 46 eserleku izango ditu eta beste 28 haurrentzako gunean. Gainera, azken gune horretan irakurtzeko txoko bat ere egongo da.

Liburutegiko bildumari dagokionez, 25.000 ale izango ditu, mediatekaren materiala barne (DVDak, bideoak, CDak…). Halaber, erakustoki-gune bat ere egongo da liburutegian, nobedadeak eta gaika hautatutako liburu-sortak ezagutzera emateko.

Irakurri eta ikasteaz gain, beste jarduera batzuk ere egin ahal izango dira liburutegian. Horrela, irakurketa klubaren tailerra bertantxe egingo da. Ekimen horren bidez, parte-hartzaileek, koordinatzaile batek gidatuta, irakurketaren esperientziak partekatu, obrak aztertu eta egileak ikasi eta, azken batean, irakurketen ulermen osoago batez gozatu ahal izango dute. Halaber, etorkizunean ipuin kontaketa saioak ere egiteko aukera dago liburutegian.

Gobelako liburutegiaren irekierakin batera Getxoko liburutegiek beren ordutegiak zabalduko dituzte martxoan hasita. San Nikolaseko liburutegiak eta Gobelako helduentzako gelak etengabeko ordutegia izango dute, 8:30etik 20:30era, astelehenetik ostiralera. Larunbatean, ohiko ordutegia mantenduko da, 9:00etatik 13:00era. Ordutegien luzatzea Horiek horrela, aurtengo ordutegiak %35eko gehikuntza izango du iazkoaren aldean.

Labels: Getxo, getxoblog, gobela, kultura, liburutegiak, TB

Areetako moila, bertako urbanizazio lanak amaitu eta gero, itxura erakargarri, moderno, atsegin eta ikusgarriagoa dauka bertatik ibiltzen diren guztientzat, ibiltari zein bisitarientzat.

Bizkaiko pasealekurik erabilienetakoa da, Getxoko pasealeku nagusiena, udalerriko irudi eta posta txartela, eta hobetu egin dugu bertan argiztapen berria eta kalitate handiko hiri hornigarriak ipiniz, hesi arkitektonikoak kentzearekin batera.

Pasealekuan zehar 99 kale-argi kokatu dituzte eta beste 3 farola berezi Areetako hondartza argiz apaintzeko.

Baina, moian egin den erreforma lanik ikusgarriena jarritako argiztapen berezia da, izan ere, munea ere goitik behera uraren azaleraino argiztatzeko lanak hilabete honetan bertan esleituko baitira. Argi horiek udaldirako biztuko dira ziurrenera. Gauez, ur gaina eta inguruko etxeak nabarmenduko dituzte.

Urbanizatu dugun pasealekuaren luzera, guztira,1.500 metro luzerakoa da, Txurrukako monumentutik La Bola hondartzarainoko tartean, eta bertan egindako lanei esker 6,5mko zabalera duen oinezkoen guneko zoladura zaharberritu da, baita 3m zabalerako bidegorriarena –oinezkoen gunea eta bidegorriarena maila berean utziz- eta oinezkoen atseden gunekoa ere barriztu egin da, kalitate handiko 51 banku ipiniz.

Lanak, urte erdiz egin dira, eta 2.300.000 euroko inbertsioa suposatu dute.

Labels: Areeta, Areetako moila, berriztuta, Getxo, getxoblog, Joseba Arregi, TB

Labels: Areeta, Getxo, getxoblog, Hirigintza, oinezkoentzako, TB, Urkijo

Labels: ekonomia, Getxo, Getxo Antzokia, getxoblog, kultura, TB

Gizarte Zerbitzuen sailak Andra Mariko Urduña kalean edukiko duen egoitza berria etzi, asteazkenean, otsailaren 24ean hasiko da herritarrak atenditzen, gaur goizean bere aurkezpenean ezagutzera eman dugunez. Urduña kaleko 16 zenbakian dago kokatuta eta Andra Mariko 15.000 bat bizilaguni emango die zerbitzua, bertan burututako zaharberritze lanak amaitu ondoren.
Inaugurazio berri hau duela bi hilabete, joan den abenduan, Algortako eta Neguriko herritarrak antenditzeko Urgull kalean, Algortako azokaren arurean, zabaldutako egoitzaren irekieraren ondoren heldu da. Aurretik Romoko egoitza ere jarri zen martxan.
Tokiz aldatzearekin orain arte Martikoena kaleko udal egoitzan eskaintzen zituzten zerbitzuak Andra Mariko herritarrengana hurbiltzeaz gain, Udala aurrera eramaten ari den eta Gizarte Zerbitzuen Legeak eskatzen duen deszentralizazio, modernizazio eta hurbilpen prozesua ere aurrera egiten da, herritarren zerbitzurako martxan jartzen diren mota honetako proiektuak Getxon bultzatzen ari garen modernizazio prozesuko partea ere direlako eta ez soilik proiektu handiak Getxo Antzokia berria, Kultur Etxea edo metroaren lurperatzea bezalakoak.
Horrekin batera, zerbitzuaren hobekuntza ekarriko du, baliabideen optimizazioari esker. Oso beharrezkoak eta eskatuak diren mota honetako egoitzak Gizarte Zerbitzuen Euskal Sistema Publikorako atea izaten dira.

Lanak eta zerbitzuak
Zaharberritze lanek joan den udaren amaieran hasi ziren eta 103 metro koadroko azalaren gainean burutu dituzte. 5 bulego, harrera eta administrazio gunea eta itxarote gela ditu egoitzak eta bertan 5 lagunek egingo dute lan “erabiltzaileei arreta zuzena eskaintzeko, besteak beste, informazio, orientazio eta ahalkularitza zerbitzua, diagnostikoak egitea, diru laguntzak (OE, GLL, AEL), familia eta gazteekin gizarte alorrean esku-hartzeko zerbitzua, etxez etxeko laguntza zerbitzua eta abar.“ azaldu du Elena Coriak, Gizarte Zerbitzuen saileko zinegotzi arduradunak azaldu duenez. Harremanetan jartzeko telefono zenbakia 94 466 01 30 da.
Egoitza berriaren inbertsioa 238.000€koa izan da eta horietatik 230.000 euro lanak egiteko izan dira eta 8.000€ altxairuetarako eta ekipamendurako.

“Urte alaiak” elkartea
“Getxoko Andra Mari Nagusien elkartea-Urte Alaiak” pertsona nagusien egoitza (Gizarte Zerbitzuen bulegoaren ondoan dagoena) gestionatzen duen taldeak oso positibotzat jo du zaharberritzea berarentzat ere onurak ekarriko dituelako, hemendik aurrera bere jardueretako batzuk egiteko erabilera anitzeko gela edukiko baitu. Elkarteak astialdierako jarduerak antolatzen ditu Udalarrekin sinatuta duen hitzarmen baten bitartez. Horri esker 2009an 3.000€ jaso zituen. Bere ekitaldien artean hainbat txapelketa, bingo, yoga, tai-chi, tailerrak, hitzaldiak eta txangoak daude. Elkarteko ordezkariek oso pozik agertu dira erreformarekin beren jarduerak hobetu aurrera eraman ahal izatea ahalbidetuko baitu, euren hitzetan.

Labels: Andra Mari, Getxo, getxoblog, Gizarte Zerbitzuek, TB

Bizkaiko Foru Aldundiak Getxo udalerria aukeratu du BiscayTIK Fundazioaren egoitza eta proiektuan parte hartzen duten enpresen mintegia jartzeko, Bake Eder eraikinaren lurzatian, eta Informazioaren eta Ezagutzaren Teknologia Berrien sektorean espezializatutako enpresen Elkartegia jartzeko, Areetako merkatu zaharrean.
Bake Eder eraikinean “Be My Gov” Zentro Teknologikoaren instalazioak jarriko dira, eta, batez ere, administrazio elektronikoaren alorra landuko da. BiscayTIK proiektuaren garapenean laguntzen duen Microsoft enpresarekin lankidetzan jarri da martxan zentroa eta administrazio elektronikoaren arloan mundu-mailako erreferentzia izatea da asmoa.
Zentroaren helburuetako bat Bizkairako aberastasuna sortuko duen agentea izatea da. Aberastasunak ez du diru-sarrerak edukitzea edo enplegua sortzea soilik esan nahi; aberastasuna ezagutza modu bat ere bada eta berebiziko garrantzia dauka
ekonomia globalizatuen garai honetan.
Zentroak administrazio elektronikoarekin eta herritarrentzako zerbitzuekin zerikusia duten jarduera-lerroak edukiko ditu, eta, horretarako, teknologia berriz baliatuko da.
Egingo diren jardueran artean, honakoak sartzen dira: produktu berriak garatzea, ikertzea eta berrikuntzak egitea, ekitaldiak zabaltzeko eta antolatzeko ekintzak sustatzea eta prestakuntza-lanak eskaintzea (bekak eta masterrak).
Era berean, zentroan enpresen mintegia ere egongo da. Bertan, euren jarduerak garatu ahal izango dituzte, BiscayTIK proiektuaren arloan, edo proiektu berriei ekin, betiere, administrazio elektronikoarekin harremana badaukate.

PDF fitxategiaren deskarga BiscayTIK proiektuaren informazio guztiarekin.



PDF fitxategiaren deskarga BiscayTIK proiektuaren Zentro Teknologikoaren bista eta argazkiekin.



PDF fitxategiaren deskarga BiscayTIK proiektuaren Elkartegiaren bistekin.

Labels: aurkezpena, BFA, BiscayTIK, Getxo, getxoblog, Jose Luis Bilbao, TB

Ekitaldi honetan Uribe Kostako Hizkuntza Ondarea Jaso eta zabaltzeko lankidetza hitzarmena sinatzeko bildu gara. Horretarako ,hain zuzen ere, gaur nirekin Juan Olea Mentxaka, Lemoizko Alkatea eta Uribe Kostako Zerbitzu Mankomunitatearen lehendakaria, Eneko Arruebarrena Elizondo, Leioako alkatea eta Joseba Goikuria Zarraga Erandioko alkatea, ditut mahaikide eta alde horretatik nire eskerrak adierazi nahi nizkioke.
Beraz, esan dudan moduan, agerraldi honetan gauden guztiak gure hizkuntza jaso eta zabaltzeari bultzada emateko asmoarekin bildu gara gaur, tokian tokiko garrantzi handia ematen diogulako.
Orain arte udalerri bakoitzean lan egin da esparru horretan eta orain batera jokatzeko une aproposa izan daitekeela uste dugu.
Hitzarmenarekin eskualdeko herri guztietan jasotako materiala bateratzea, kalitatea zaintzea eta guztiok erabili ahal izateko formatuan jartzeko beharra ikusi dugu. Hori dela eta egindako lanak herritarren artean zabaldu nahi dugu, produktu interesgarriak sortuz.
Produktu horiek, besteak beste, ondarea ezagutzera emateko, kultur interesa sortzeko eta ordezkatzen dugun ingurua hobeto ezagutzeko balio behar dute, hori da, azken batean, ekimen honekin honekin.
Hori dela eta helburu hauek zehaztuko ditu lankidetza-hitzarmenak:

-Datozen urteotan monografikoak egitea eta argitaratzea, ingurua eta historia hobeto ezagutzen laguntzeko. Alde horretatik beraz, Monografiek, gure esparru geografikoan gai bati buruzko jakintza-esparru oso bat hartuko dute.
-Bigarren helburua, jasotako materiala egoera txarrean dagoenean (esanahia galdutako abestiak, zentzu argirik gabeko esaldiak, funtzio didaktikoa galdu duten ipuinak...) berreraikitzea izango litzateke

Hitzarmena 2011ko abenduaren 31ra arte egongo da indarrean eta denboraldi honetarako hainbat zeregin ezarri dira, tartean:

*Herri bakoitzak aldez aurretik egin duen lana formatu bateratuan jartzea eta beste edozein erabilerarako sailkatzea.
*Monografia bi egitea: (bata ahozko tradizio errimatuari buruzko monografia eta bestea herri egutegiari eta Uribe kostako mitologiari buruzkoa).
*Hondatutako kultur adierazpenak berreskuratzea eta formatu literarioan jarri eta zabaltzea

Lan hauen aurrekontua 60.000 euro izatea aurreikusten delarik .
Beraz, gure euskararen alde lan egiteko, gure ondare lingistikoa babesteko eta ezagutarazteko, eskualdeko udalerri guztiak ahaleginak batu, estrategiak zehaztu eta guzti horretarako baliabideak jarri egingo ditugu.
Orain, inoiz baino gehiago, denak norabide berdinean arraun egin behar dugulako, dudarik gabe.

Labels: euskara, Getxo, getxoblog, hizkuntza, ondarea, TB, Uribe Kostako Mankomunitatea

Labels: EAJ-PNV, Getxo, Getxo Antzokia, getxoblog, PP, PSE, TB, Telefonica

Labels: Getxo, getxoblog, gobela, obrak, TB, URA

Labels: Getxo, getxoblog, Iturgitxi, jokuak, parkea, TB

Egia esanda, ez nuen espero TELEBERRIn agertzea, baina ala izan zen. Gure "Egunsentia" haur-eskolari buruzko berria, astelehenekoan eman zutela esan zidaten eta bertan hemen dozuen elkarrizketaren zati txiki bat ere agertu zen. Poztekoa benetan, zoritzarrez euskal telebistan Getxori buruzko berri onak ez dute sarritan ematen. Beraz ala denean azpimarratzekoa da. Ea horrrela jarraitzen baduten.

Labels: Egunsentia, EiTB, Getxo, getxoblog, haurreskola, TB

Labels: TB, Umeak jokoak egokituak Areetan Getxo getxoblog

Labels: clubes, deporte, Getxo, getxoblog, sasoi-sasoian, TB

Labels: euskara, Getxo, getxoblog, GetxONegin, pintxoak, tabernak, TB

Labels: aholkuak, babesa, Getxo, getxoblog, merkataritza, prebentzio, TB

Labels: aurrekontua, TB

Informazio gehiago: getxo.net

Labels: aparkalekua, Getxo, Getxo Antzokia, getxoblog, Hirigintza, san nikolas, TB

PDF fitxategiaren deskarga "lanean gabiltza... saneamendu-sarea hobetuz" dokumentuarekin.

Labels: Getxo, getxoblog, Hirigintza, obrak, saneamendua, TB

PDF fitxategiaren deskarga XVI Getxoko Boluntariotzako topaketekin.



Informazio gehiago: FEGEVOL

Labels: boluntaiotza, elkarteak, FEGEVOL, Getxo, getxoblog, TB

Labels: Getxo, getxoblog, komikia, kultura, manga, TB

Labels: artea, gazteak, Getxo, Getxoarte, getxoblog, sormena, TB

Egitaraua

Labels: euskal kultura, euskara, Getxo, getxoblog, TB, unai elorriaga

Labels: Getxo, getxoblog, komikia, kultura, TB

Informazio gehiago: getxo.net

Labels: gazteak, PP, PSE-EE, skate, TB

Azaroaren 20an, arratsaldeko 17.00etatik aurrera Algortako Gauegun gaztelekuko ateak zabalduko dira.

Iluzio bereziarekin bizi dut goizean Gazteleku beran emandako aurkezpen prentsaurrekoa, gazteria zinegotzia nintzelarik hasi nintzelako proiektu hau bultzatzen, eta azkenean errealitatea bihurtzen dela ikustea iluzioa ematen du benetan.

Arrue anderea eta bere jarraitzaile Almansa, gazteei zuzendutako instalazioen itxiera proposatzen duten bitartean (Areetako skate pistan bezala), alkate honek eta bere taldeak, gazteentzako instalazio berrien alde egiten dugu, beharrezkoak ikusten ditugulako. Bazen garaia gazteek kalitatezko instalazioak edukitzeko Getxon!



Zer da?

Gauegun gaztelekua 12 urtetik 18 urtera bitarteko gazteentzako lekua da. Lagunekin gustura egoteko, jendea ezagutzeko, hainbat jardueratan parte hartzeko edo zure ekimenak aurrera ateratzeko leku bat da.

Zer egin daiteke gaztelekuan?

Hainbat gune daude: topagunea, berbetan, aldizkari bat irakurtzen edo play-an jolasten egoteko tokia; marrazketa, margolaritza, xaboi, ilustrazio edo gogoko duzun beste edozein ikastarotan parte hartzeko lantegi-gela; mahai-joku, dokumentazio, aldizkari eta abarrekoetarako gela; ordenagailu-gela, ping-pong mahaia, mahai-futbola eta gehiago.

Zer egin behar da?

Ezer ez, ez da ordaindu behar, ezta izena eman ere. Etorri besterik ez.

Noiz joan daiteke gaztelekura?

Gaztelekua egunero zabalduko da, astelehenetik igandera, igandetik ostegunera, 17.00etatik 20.00etara, eta ostiral eta larunbatetan 17.00etatik 22.00etara.

ETA INAGURAZIOAREN EGUNEAN...

Lehenengo egun honetan gaztelekuak hainbat ekintza eskainiko ditu bertara hurbildu nahi duen edonork bertatik bertara lokal honetan zer egin daitekeen jakin dezan.

Gaztelekuko gune bakoitzean zerbait desberdina egin ahal izango da:

- lantegi gelan: ordenagailu bidezko DJ tailerra

- ordenagailuen gunean: Bideo blog tailerra. Gaztelekuan ikusi duzunari buruzko zure iritzia eman ahal izango duzu web cam baten aurrean

- kalean: graffiti tailerra

- erabilera anitzetako gelan ping-pong eta mahai-futbol partida bat jokatu ahal izango duzu

Gainera, luntxa ere egongo da.

Non dago gaztelekua?

Algortan, Urgul kalea z.g. 3. solairuan
telefonoa: 944660356
e-maila: gauegungaztelekua@getxo.net

Labels: gau egun, gazteak, gazteleku, Getxo, getxoblog, TB

Labels: blogetxo, bloggers, ETB 3, Getxo, getxoblog, TB

Eusko Jaurlaritzako Hizkuntza Politikarako Sailburuordetzako Joseba Lozano jaunak parte hartu du Euskara Biziberritzeko Getxoko II. Plan Nagusiaren aurkezpenean, eta zinez eskertzen diot Gasteiztik etortzea gure artean egotearren. Gorka J. Palaziok bideoz grabatu ditu momentuak Ikastube.com gunean. Iraupena: 02:36.

Labels: Lozano, TB

Bizkaiko Diputaziotik Miren Dobaran andereak parte hartu du gaur arratsaldean izan den Euskara Biziberritzeko Plan Nagusiaren aurkezpenean. Benetan eskertzen diot Joseba Lozano, Koldo Iturbe eta hiruon ondoan egotea Algortako Kultur Etxean, gure hizkuntzarentzat hain garrantzitsua den plan honetan. Gorka J. Palaziok bideoz hartu du momentua bere bideogunerako. Iraupena: 02:44.

Labels: Dobaran, TB

Gure herrikoa den Gorka J. Palaziok Ikastuberako grabatutako bideo honetan Koldo Iturbek Euskararen II. Plan Nagusia zer den azaltzen digu. Iraupena: 12:00.

Labels: Iturbe, TB

Ondorengo lau bideoak ekainaren 16ko eguna gogoratzeko dira, korporazio berria eratu den eguneko gomuta. Lehengo egunean sekuentzian falta den bideoa argitaratu nuen, hitzaldia zuena hain zuzen ere. Gogoratzen dizuet bideoak ikusteko eta entzuteko ADSL edo kable bidezko konexioa behar dela eta Flash Bideorako plugin-a, ez besterik. Bideo guztiak, Getxoko EAJren ikusentzunezko artxiboan daude eta kronologikoki ordenaturik dituzue ikusgai hemen.


1. EAJko hamar zinegotzien kargu hartzea. Iraupena: 00:56



2. Alkate karguaren aukeraketa, hautagaiak hiru izanik. Iraupena: 03:33



3. Botoen zenbaketa eta alkate izendapena. Inaki Zarraoak makila ematen dit. Iraupena: 04:13



4. Amaierako ekitaldi protokolarioa. Agur Jaunak doinua jotzen da. Iraupena: 02:55.

Labels: alkatea, TB

Hemen duzue, atzo goizean egindako berbaldia, behin Iñaki Zarraoarengandik alkate-makila jaso ostekoa. Iraupena: 07:30.

Labels: TB

Bideo honetan, atzoko elkarretaratzea ikus daiteke. Eskerrik asko gurekin egon ziren guztiei, bereziki, Josu Erkoreka, Aitor Landa, Margarita Uria eta enparauei. Iraupena: 05:38.

Labels: TB, Telletxe

Ibarretxe lehendakariaren atzoko hitzaldia ikus eta entzun daiteke bideo honetan. Hitzaldia ez dago osorik eta elebiduna da. Lehendakaria Barakaldon egon zen Amaia del Campo Berasategi hautagaiari sustengua adierazteko. Ezkerraldeko herrietako hautagaiak ere egon ziren ekitaldian. Iraupena: 03:14.

Labels: lehendakaria, TB

Lehengo egunean, lehendakariak bisita egin zigun Getxora. Arratsalde ona pasatu genuen Juan José Ibarretxerekin. Bideo honetan denetarik topatuko duzue: lehendakariaren hitzaldiaren hasiera, amaitu osteko irudiak, Josu Loroño, Iñaki Hormaza, Torre artista getxotarra eta beste. Bideoko bukaerako musika Sarah Connor kantariaren Bounce abestia da. Iraupena: 06:01.

Labels: Areeta, lehendakaria, TB

Hona hemen udal hauteskunderako prestatu dugun bideo-iragarkia FLV (flash bideo formatuan) zuen nabigatzaileetatik beraietatik ikusi ahal izateko. Gure kandidaturako hautagai guztiak ikusi ahal dituzue bideoan, baldin eta zuen nabigatzaileak Flash bideoa ikusteko plugin-a badauka, jakina. Iraupena: 07:13.

Labels: iragarkia, TB

Areetako Geltokiko plazan egindako hitzaldiaren hasiera daukazue, hau da, mitinaren hasiera, euskara hutsezkoa izan dena. Bideoa laburra da eta gure hautagaiak ikusteko aukera ematen digu. Iraupena: 03:10.

Labels: Areeta, hauteskundeak, TB

Palazioberrik nire hautagaitzaren aldeko kanpaina abiatu berri du. Ana Landa, José Luis Bilbao, Josune Ariztondo, Xabier Etxaniz eta Gorka J. Palaziok sustengua adierazten didate bideo honetan. Eskerrik asko bostoi. Iraupena: 02:49

Labels: sustenguak, TB

Oso egun gogoangarria egin dugu angeluarrakaz. Hona hemen laugarren bideoa, gomutagarria izango dena, Getxo eta Angelu elkarkidetzak iraun dezan etorkizunean ere. Iraupena: 03:37.

Labels: Angelu, TB

Behin aurreko bideo biak ikusi ostean, hona hemen hirugarrena non Angeluko dantzariak agertzen diren. Lapurdikoak trebeak eta jatorrak dira, halafede! Iraupena: 04:27.

Labels: Angelu, TB

Itxartu dantza taldeko neskak angeluarren aitzinean dantzan 2007ko apirilaren 21eko arrtsaldean Algortako San Nikolas plazan. Getxo eta Angelu herrien arteko elkarkidetzaren emaitza da hau. Iraupena: 03:20.

Labels: Angelu, TB

Getxo-Angelu kirol anaitasunaren emaitza da San Nikolas plazan atzo egindako dantza erakustaldia. Algortako Itxartu taldekoek ederki egin zuten dantza Angeluarren aitzinean. Iraupena: 03:51.

Labels: Angelu, TB

Entzun arretaz José Luis Bilbao diputatu nagusiaren hitzak eta datuak, atzoko ekitaldian aipatutakoak, gastu sozialari buruzkoak hain zuzen ere. Behin bideoa ikusi eta gero, hobeto erantzungo diozue galdera honi: non dago gure alderdia, ezkerrean, erdian ala eskuinean? Iraupena: 06:38.

Labels: Bilbao, TB

Sopelanako Kultur Etxean egindako aurkezpena duzu bideo honetan. Bertan Uribe Kostako hautagai jeltzaleak eta Batzar Nagusietakoak presentatu ziren. Musika Sophie Elis Bextor abeslari britainiar handiaren kanta baten zatia da. Eskerrak ematen dizkiogu Sophie-ri eta aholkua ematen bere musika alaia erosteko. Iraupena: 02:45.

Labels: Sopelana, TB

Lehen bideoaren ostean, hona hemen EAJren EBBko presidenteak 2007ko Aberri Egunean egindako berbaldiaren bigarren atala. Iraupena: 13:55.

Labels: Aberri Eguna, Imaz, TB

Hemen daukazue ikusgai Josu Jon Imaz-ek lehengo egunean, 2007ko Aberri Egunean, egindako mintzaldia Plaza Barrian. Espero dut Bilbon bertan egon ez zirenentzat baliagarria izatea, bai gaixorik zeudenentzat, bai oporretan Euskal Herritik at zirenentzat edota euskal diasporako kide guztientzat ere. Gure burukideen hitzak entzuteko aukera duzue. Behin lehen bideo hau ikusitakoan, bigarren atala ere dago eskuragarri. Iraupena: 12:54.

Labels: Aberri Eguna, Imaz, TB

2007ko Aberri Egunean, apirilaren 8an, Bilboko Plaza Barrian, Juan José Ibarretxek egindako berbaldia. Apirilaren 8an, igandean, ospatu genuen Aberri Eguna. Historiarako bideoa da honako hau. Iraupena: 18:50.

Labels: Aberri Eguna, lehendakaria, TB

Kepa Miñambres eta Joseba Arregi alboan, gaur goizean prentsaurrekoa eman dut Andra Mariko hiri plangintzari buruz. Areetan izan da. Iraupena: 11:54.

Labels: TB

EAJren programaren ildo nagusiak, Getxoko gizarte kolektiboekiko topaldia eta EAJ hautagaien aurkezpena 2007ko maiatzaren hauteskundeetarako.

Labels: hauteskundeak, programa, TB

EAJren hautagaien aurkezpen bideoa 2007ko maiatzaren udal hauteskundeetarako. Aurkezpena Santa Eugenia plazan egin zen 2007 martzoaren 22an. Iraupena: 03:20.

Labels: hauteskundeak, TB

Larunbatean, Bizkaia 2015 plan estrategikoa aurkeztu zuen Iñigo Urkulluk, Bizkai Buru Batzarreko presidenteak. Bizkaiko berriemaile eta alderdiko arduradun politikoen aurrean egin zen aurkezpena Sabin Etxean, martxoaren 3an. Berbaldia gazteleraz eta euskaraz dago. Iraupena: 06:17.

Labels: BBB, TB, Urkullu

Bizkaia 2015 plan estrategikoaren aurkezpenean, José Luis Bilbao Bizkaiko Ahaldun Nagusi getxoztarrak ondorengo berbaldia egin du Sabin Etxean. Ahaldun Nagusiak ederto aipatu ditu lorpenak, Bizkaia azken urteotan Europa mailan erregio aurreratuenen parean kokatuz. Iraupena: 10:51.

Labels: Bilbao, Bizkaia 2015, TB

Gaur goizean Bilbora joan naiz Sabin Etxean Iñigo Urkullu eta José Luis Bilbaoren mintzaldiak entzutera. Hona hemen Bizkai Buru Batzarreko presidenteak zelan ikusi duen gure herria 1977. urteaz geroztik. Euskadi soziala zelan lortu dugun alderdikide ospetsu batzuek postura ona egin zutelako garai hartan. Euskaraz eta gazteleraz dago. Iraupena: 05:08.

Labels: BBB, Bizkaia 2015, TB, Urkullu

Gaur goizean emandako prentsaurrekoaren zati bat daukazue hemen. Getxo Zaharreko batzokian emandako prentsaurreko honetan Kepa Miñambres Llona eta Joseba Arregi egon dira nirekin. Jorratu dudan gaia garapen urbanistikoa izan da. Iraupena: 02:10.

Labels: Andra Mari, etxebizitzak, TB

Lehengo egunean Usategiko aurkezpenean egon zirenei izan dadila ondorengoa gomutagarri bat. Zer eta bideo bat, Palazio getxoztarrak prestatu duena. Eskerrik asko nirekin egon zineten guztioi eta Urte Berri On! Bideoko musika Natalie Brown kantariak ipintzen du CC lizentziapeko Jingle Bells abestiagaz. Gozatu bideoa eta Urte Oparo eta Baketsua eduki!

Labels: hauteskundeak, TB, Usategi

Hemen uzten dizuet bost minutuko iraupena duen bideo hau musika bikaina duena eta Velux 5 Oceans abiatu baino egun bat arinago hartutakoa. Bideoa YOuTube-Google zerbitzarietan egon arren, hementxe berton ere ikus dezakezue. Arriluze eta kirol portu berria ezagutzeko balio dezake Getxon egon ez direnentzat. Gozatu irudiekin eta estropada honen hasieran egon ginenontzat izan bedi oroitgarria. Amaitzeko goraintziak lerro hauetatik bideo-egilearentzat eta Unai Basurko itsasgizon bizkaitarrarentzat. Ea Pakea beluntziak irabazten duen.

Labels: TB, Velux