Imanol Landaren bloga

Labels: Getxo, getxoblog, komikia, kultura, manga, TB

Labels: bilketa, EGI, Folk Getxo BBK jaialdia, getxoblog, jostailuak, umeak

Udalerriko hainbat lekutan bidegorri zati berriak egiteko lanen gaineko izapideak hasi ditugu dagoeneko. Tarte berri hauek egun daudenei gehituko zaizkie eta guztira 19 km-tik gorako luzerako sarea osatuko dute. Zati berri hauek prestatzeko lanak, ia gehienak, Gabonetako jaiak amaitutakoan hasiko dituzte eta horien kostua 421.000 euro ingurukoa da.

Bidegorri sarea azpiegitura estrategikoa da guretzat eta etengabe nahi dugu bultzatzea, bizikleta, nagusiki, jolas edo aisialdirako erabiltzetik garraiobide jasangarri eta ekologikoa, alternatiboa, izatera igarotzea nahi dugulako, beste modu batez erabiltzea nahi dugulako, berbarako, lanera, ikastetxera, erosketak egitera edo etxeetara joateko; hau da, txirrindularen erabilera praktikoa eta egunerokoa ahalbidetu nahi dugu gainontzeko garraiobideen benetako alternatiba gisa, Europan dagoeneko errotuta dagoen bizikletaren kulturarekin bat egin aldera.


Tarte berrietan garrantzitsuena, Areetako Negubide kalean egokituko dutena da, Gobela errekaren ondoan. Jarduera hau aipatu kaleko oinezkoentzako gunea berritzeko lanen harira egingo da. Guztira, 210 metro bidegorri egingo dituzte. Lanek 4 hilabete iraungo dute eta 298.000 euroko aurrekontua izango dute.

Bigarren tartea Algortako Telletxe kalean egingo dute eta 680 metroko luzera edukiko du. Lanek 3 hilabete iraungo dute eta beren aurrekontua 87.600 eurokoa da.

Eta hirugarrena Areetan lekutuko da, Ibaigane kalean, hain zuzen ere, Maximo Agirre eta Gobela kaleen artean, eta 280 metro luze izango da. 35.000 euroko aurrekontua du eta lanak hilabete batez luzatuko dira. Kale horretako dendetan ez dute trabarik eragingo.

Tarte berri horien eraginez ez da inolako aparkalekurik kenduko bidegorri zatiak egingo diren kaleetan, hau da, Negubide, Ibaigane,Maximo Agirre eta Gobela artean, eta Telletxen.

Beste lan txikiago batzuk
Udalak beste jarduera txikiago batzuk ere antolatuko ditu Andra Mari eta Areetako auzoetan. Lan horiek udal langileen talde batek egingo ditu. 2 kilometro bidegorri berri mugatu eta atonduko dituzte, soilik zoruan seinaleak ipiniz.
Izan ere, Andra Marin, Ormaza eta Gabriel Ramos Uranga kaleen artean, 1.100 m luzerako tartea egokituko da, eta Zientoetxe eta Maidaganeko bidegorriarekin lotuko da; Areetako Maximo Agirre kalean, Ibaigane eta Tomas Olabarriren artean, 570 m egokituko dira (tarteko albo banatan marra zuriak eta zoruan bizikleta seinaleak pintatuz); eta, azkenik, Andra Marin ere, beste 250 m bidegorri izango dituzte Sarri, Oiz eta Mugarra kaleetan. Kale hauetan aurrerantzean noranzko bakarra izango da. Tarte hau Telletxeko berriarren jarraipena izango da, azken hau amaitutakoan.

Labels: bidegorria, bizikleta, Getxo, getxoblog

Labels: artea, gazteak, Getxo, Getxoarte, getxoblog, sormena, TB

Gaur bertan aurkeztuko diogu Hirigintzako Batzorde Informatiboari Getxo Antzoki berriko auzokoentzako lurpeko aparkalekuaren gaineko proiektua. Algortako egungo San Nikolas plazaren azpian egingo da aparkalekua, Basagoiti Etorbidearen eta Andres Cortina kalearen artean. Lurpeko parkingaren eraikitze lanak Getxo Antzoki berria altxatzeko bigarren fasearen harira egingo dira, bai kultur ekipamendu hori hartuko duen orubean baita San Nikolas plazan bertan egun egiten ari diren hondeaketa lanekin batera, hain zuzen. Lanak datorren urteko uda aldera has litezke eta 12-14 hilabete beranduago amaitu. Egitasmo honen aurrekontua 3.600.000tik gora eurokoa da.
Halaber, Gobernu taldea Algortako auzoan bizi direnei aparkatzeko plaza horiek zelan eman aztertzen ari da.
Nabarmentzekoa da San Nikolas plaza berriro zabalduko dela herritarrek erabiltzeko lurpeko aparkalekua zabaldu aurretik. Behin aparkalekua amaituta plaza egokituko dute eta herritarrek, behin behinean erabiltzeko moduan utziko dute.
San Nikolaseko lurpeko aparkalekuaren gaineko proiektua gaur aurkeztu dugu Hirigintzako Informazio Batzordearen aurrean, bertan Getxoko Udalbatza osatzen duten alderdi politiko guztietako ordezkariak direla, baina, halere, laster, Getxoko herritarrei ere aurkeztuko zaie.

Labels: algorta, aparkalekuak, Getxo, getxoblog, san nikolas

Egitaraua

Labels: euskal kultura, euskara, Getxo, getxoblog, TB, unai elorriaga

Labels: Getxo, getxoblog, komikia, kultura, TB

Informazio gehiago: getxo.net

Labels: gazteak, PP, PSE-EE, skate, TB

Azaroaren 20an, arratsaldeko 17.00etatik aurrera Algortako Gauegun gaztelekuko ateak zabalduko dira.

Iluzio bereziarekin bizi dut goizean Gazteleku beran emandako aurkezpen prentsaurrekoa, gazteria zinegotzia nintzelarik hasi nintzelako proiektu hau bultzatzen, eta azkenean errealitatea bihurtzen dela ikustea iluzioa ematen du benetan.

Arrue anderea eta bere jarraitzaile Almansa, gazteei zuzendutako instalazioen itxiera proposatzen duten bitartean (Areetako skate pistan bezala), alkate honek eta bere taldeak, gazteentzako instalazio berrien alde egiten dugu, beharrezkoak ikusten ditugulako. Bazen garaia gazteek kalitatezko instalazioak edukitzeko Getxon!



Zer da?

Gauegun gaztelekua 12 urtetik 18 urtera bitarteko gazteentzako lekua da. Lagunekin gustura egoteko, jendea ezagutzeko, hainbat jardueratan parte hartzeko edo zure ekimenak aurrera ateratzeko leku bat da.

Zer egin daiteke gaztelekuan?

Hainbat gune daude: topagunea, berbetan, aldizkari bat irakurtzen edo play-an jolasten egoteko tokia; marrazketa, margolaritza, xaboi, ilustrazio edo gogoko duzun beste edozein ikastarotan parte hartzeko lantegi-gela; mahai-joku, dokumentazio, aldizkari eta abarrekoetarako gela; ordenagailu-gela, ping-pong mahaia, mahai-futbola eta gehiago.

Zer egin behar da?

Ezer ez, ez da ordaindu behar, ezta izena eman ere. Etorri besterik ez.

Noiz joan daiteke gaztelekura?

Gaztelekua egunero zabalduko da, astelehenetik igandera, igandetik ostegunera, 17.00etatik 20.00etara, eta ostiral eta larunbatetan 17.00etatik 22.00etara.

ETA INAGURAZIOAREN EGUNEAN...

Lehenengo egun honetan gaztelekuak hainbat ekintza eskainiko ditu bertara hurbildu nahi duen edonork bertatik bertara lokal honetan zer egin daitekeen jakin dezan.

Gaztelekuko gune bakoitzean zerbait desberdina egin ahal izango da:

- lantegi gelan: ordenagailu bidezko DJ tailerra

- ordenagailuen gunean: Bideo blog tailerra. Gaztelekuan ikusi duzunari buruzko zure iritzia eman ahal izango duzu web cam baten aurrean

- kalean: graffiti tailerra

- erabilera anitzetako gelan ping-pong eta mahai-futbol partida bat jokatu ahal izango duzu

Gainera, luntxa ere egongo da.

Non dago gaztelekua?

Algortan, Urgul kalea z.g. 3. solairuan
telefonoa: 944660356
e-maila: gauegungaztelekua@getxo.net

Labels: gau egun, gazteak, gazteleku, Getxo, getxoblog, TB

Informazio gehiago: Getxoberrin

Labels: bertsolariak, euskal kultura, euskara, Getxo, getxoblog, getxobrerri

MP3 fitxategiaren deskargarekin nire adierazpenekin (I).




MP3 fitxategiaren deskargarekin nire adierazpenekin (II).

Labels: erosketak, Getxo, getxoblog

Labels: blogetxo, bloggers, ETB 3, Getxo, getxoblog, TB

"Ez dira betiko garai onenak" esaten zuen Gariren abesti ospetsu batek. Kasu honetan eta euskarari dagokionez, Hezkuntza Sailburu sozialistaren azken adierazpenak entzun ondoren, argi dago egia esaten duela. Horregatik, gaur inoiz baino gehiago, eskertzekoa da Azkue Fundazio bezalako ekimenak martxan jartzen direla ikustea.

Hori dela eta ekimenaren aurkezpen publikoan egotea erabaki nuen, nire eta nirekin euskara maite duten getxoztar guztien laguntza osoa emateko.

Bizkaiko Aldun Nagusiak argi eta garbi adierazi zuen bertan botatako hitzetan; Aldundiak ez du euskararen aldeko politiketan atzera botako, eta gu Aldundiarekin.

Ah! azken datu bat; Azkue Fundazioaren web-ean umeak eta gazteak jolasteko jolas birtual bat martxan jarri dute. Bertan, Bilbo eta Getxoko guneak erabiltzen dira, zuzenketa batzuk egin behar badute ere, Getxori dagokionez. Edozein kasutan, esan umeei eta sartu zaitezte, oso dibertigarriak bait dira!



Informazio gehiago: Azkue fundazioa

Labels: azkue fundazioa, euskara, sarea

Mundu berri bat jaio da euskara sustatzeko. Mundu berri bat euskararen erabilera modu ezberdin eta berritzailean sustatzeko.

Sarean.

Teknologia berrien bitartez. Interneten ere euskaraz bizi ahal gaitezen.

Dagoeneko sarean badauden ekimenak bultzatuz. Eta aplikazio, zerbitzu eta lanabes berriak abian jarriz.

Lan egiteko. Ikasteko. Jolasteko. Gozatzeko. Hitz egiteko. Ezagutzeko. Deskubritzeko. Partekatzeko. Barre egiteko. Negar...

Sarean eta euskaraz. Etorkizuna itxaron gabe.

2.0 proiektu bat da AZKUE fundazioa.

Irekia, partehartzailea, bizia.
Creative Commons filosofiarekin. Guztion proiektua.

Sarean egin nahi du lan AZKUE fundazioak.
Sarean, interneten. Eta sarean lan eginez, talde lanean.Erakundeekin, enpresekin eta pertsonekin.

Funtsean gauza berak batzen gaituelako:
“Buruetan izkerak zeinbat gura, bihotzean herriarena doguna.”

Euskalduna baldin bazara.
Eta interneti edo teknologia berriei buruz zer esana baldin baduzu.
Zatoz.

Aurkeztu guri zure egitasmoak.

Gertu gaituzu. AZKUE fundazioak zure mundua izan nahi duelako.


AZKUE fundazioa
euskara sarean josten




AZKUE fundazioaren aurkezpen ekitaldi nagusia azaroaren 4ean, Euskaldunako foyer-ean izango da, arratsaldeko 19:30ean.

Labels: azkue fundazioa, euskara, sarea

3 getxoztar finalaurrekoetan
Xabi, Jone eta Fredi.

3 data getxoztar euskaltzale guztiak apuntatu beharrekoak:

Azaroak 7, Bergaran (Fredi bertsotan)
Azaroak 8, Gasteizen (Xabi bertsotan)
Azaroak 15, Hendaian (Jone bertsotan)

Udazkenak berri onak ekarri dizkigu Getxora,
baietz neguan txapela geurean.

Laster ikusteko aukera,
Eseri ta gozatu!

Labels: ALBE, bertsolariak, euskara, getxoblog

Merkatarien eta bezeroen artean euskaraz egitera bultzatzea helburu duen EUSKARA AHORA lelopeko erakusketa inauguratu nuen atzo Algortako Azokan.

Udalerrian euskaraz hitz egiten duten herritarren kopurua gora egiten ari da eta dagoeneko esan dezakegu erdiak baino gehiago edo euskalduna edo zerbait daki eta horregatik euskara gero eta gehiago bere eguneroko gauzetan erabiltzea lortu behar dugu, adibidez egunereko erosketetan euskaraz eskatzera animatuz. Aldi berean, erakusketak merkatariei euskara kalitate gehigarri bat dela ere ikustarazi nahi die.

Euskara Biziberritzeko II Plangintzaren barruan kokatuta, erakusketan Gehi Euskara Merkataritzara egitasmoaren barruan (merkataritzan euskararen erabilera sustatzea helburu duena) azken urteotan martxan jarritako kanpaina batzuk eta beren txartelak ikus daitezke, adibidez, fruta-denda, okindegi, harategi eta arrandegiei buruz egindako txartelak eta materiala. Horiekin batera burututako beste kanpaina batzuk ere ikus daitezke, tartean, Ospatu eta Oroitu, Higiezinen agentzietan euskaraz edo apelliduak abizendu. Euskaraz eskatu ahal izateko beste hainbat adiera ere daude erakusgai: “Nola eskatu euskaraz erraz-erraz?, Nola galdetu produktu baten prezioa eta produktuen hiztegi erreza”.

Erakusketa datorren azaroaren 28ra arte egongo da zabalik, azokaren ordutegian. Hurbiltzen direnei koadernotxo berri bat opatuko diete. Horretan zenbakiak euskaraz, agurrak, elkarrizketa errezak, hiztegia eta abar dira, bezero eta dendariaren arteko harrema euskara izatera laguntzeko.

Ekimen honekin hainbat erakundek eta elkartek kolaboratu dute, tartean, Bizkaiko Foru Aldundiak, EGIZU elkarteak, SENDIk, ALBE, Algortako bertsozale Eskolak eta Algortako Azokako dendariek.

Ekintza osagarriak

Euskararen erabilera sustatzeko eta aldi berean herriko merkataritza sektorea ere eta kasu honetan bereziki, azoka honetan dauden establezimenduen jarduera bultzatzeko, erakusketarekin batera, hainbat ekitaldi osagarri eta interesagarri antolatu ditugu, euskararekin kalitatea irabazten dela uste dugulako. Ekintzat familia osarentzat dira, doakoak eta ez bakarrik euskara dakitenentzat, baita apur bat baino ez dakitenentzat ere.
Lehenengo ekitaldia ARDO DASTAKETA eta hitzaldia Miel Garaizabal sumillerraren eskutik datorren larunbatean, azaroak 7, 12:00etan izango da. Berak idatzitako liburua opatuko da eta izen-ematea etzi, azaroaren 4ra arte egongo da zabalik. Hurrengoa azarareon 14ean izango da, EUSKARA ETA MUSIKA LAGUN, EROSKETETAN TXAPELDUN! lelopean. Gurasoak eta 3 eta 8 urte bitarteko haurrak dantzatzera eta kantatzera hurbilduko dira azokara, erosketak egiten dituzten bitartean. Hilaren 21ean, MERKATUAN BERTSOTAN ekimena izango da, Lizaso eta Peñagarikano bertsolariek lagunduta eta azkenik, azaroaren 28an MERKATUAN KANTETAN, Josu Landetak eta Katxo Larrazabalek gidatuta, liburuxka baten laguntzarekin.

Animatu zaitez eta partehartu!



MP3 fitxategiaren deskargarekin nire adierazpenekin (I).




MP3 fitxategiaren deskargarekin nire adierazpenekin (II).

Labels: ahora, euskara, Getxo, getxoblog

Hona hemen, aurreko asteko ostiraleko osoko bilkuran EAJ-ren udal talde politikoak aurkeztutako mozioa. Onetsita geratu zen.

"Joan den irailaren 22an “Falange y Tradición” deritzon talde ultraeskuindarrak komunikatu bat argitaratu zuen, eta bertan bere gain hartu Euskal Herrian egindako hainbat ekintza terrorista, 25 baino gehiago. Ekintza horien bidez mehatxu egin zieten eurek independentismoaren eta komunismoaren jarraitzailetzat hartutako hainbat pertsonari, eta eraso ere egin zieten diktadura frankistaren biktimen alde jarritako monumentuei.


Talde ultraeskuindarrak erasotako helburutzat hartu eta aipatu zituen udalerrien artean Getxo ere agertzen da, izan ere, udan Goikoetxea familiaren baserriaren aurka egindako eta errebindikatutako erasoa aipatzen da bertan. Gertatu zenean bertan gaitzetsi egin zuten eraso hori adierazpen publiko baten bidez bai Getxoko alkateak bai alderdi popularrak zein sozialistak, horren osteko osoko bilkura batean egindako parte-hartzean.


Era berean, talde faxista horren akzioak gaitzetsi egin ziren eusko legebiltzarrak joan den urriaren 22ko bilkuran aho batez hartutako erabakiaren bidez, eta Getxoko Udalbatzan ordezkaritza duten alderdi guztiak bertaratu ziren horren alde egiteko.


Talde hau “aberri espainiarren aldeko talde” bezala agertzen da, eta bere komunikatuan adierazten duenez, bere helburua da Espainian “benetan kristaua eta nazionala “ den erregimen politikoa ezartzea. Horretarako –euren hitzetan- “une bakoitzean egokitzat hartzen dituen baliabideak erabiliko ditu, eta aberriaren ageriko etsaien kontra arituko da batez ere”, kontuan hartuta etsai horiek “separatismo terrorista, komunismo hiltzailea eta liberalismo antikristaua” direla.


Aurreko asteburuan, publikoki jakinarazi egin da, ustez, aipatutako ultraeskuindar talde honen kide batzuk detenituak izan direla Nafarroan eta Zaragozan.


Edozein kasutan horrelako talde eta jarrera direla-eta, gure gaitzespenik sendoena argi eta garbi adierazi baino ezin dugu egin. EAJ sarritan agertu izan da terrorismoaren eta edozein jarrera totalitarioren aurka, euskal gizartean bizirik, elkarrekin eta bakean ibiltzeari uko eta muzin egiten baitiete. Horregatik, aipatu ditugun jarrerei aurre egin eta osoko bilkura honen aurrera dakargu horiek salatzeko eta gaitzesteko adierazpen hau, gure ibilbide politikoarekin bat datorrelako eta beste jarrera bortitz eta faxista batzuk gertatzen direnean jokatzen dugun sendotasun berberaz jokatu nahi dugulako.


Hori dena dela-eta, Getxoko Udalbatzari erabaki hauek hartzea proposatzen diogu:


• Getxoko Udalaren salaketa eta gaitzespena argi adieraztea berriro ere, gizakien eskubideak eta oinarrizko askatasunak kontuan hartzen ez dituzten ekintza eta proiektu totalitarioak direla-eta.


• Argi uztea, berriro ere, hitza eta bide demokratikoak baino ez direla, planteamenduak eta proiektu politikoak aurrera ateratzeko formula baliagarri bakarrak .


• Aipatu den talde ultraeskuindarrak egindako atentatu eta ekintzak direla-eta, gure gaitzespen eta arbuiorik sendoena adieraztea.


• Dagokien agintariei esku har dezaten bultzatzea, neurri sendo eta eraginkorrak ezar ditzan, euskal gizartearen eta getxoztarren sentsibilitateari mina eragitearren ekintza horiek egiten dituztenak atxilotzeko eta Justiziaren esku jartzeko.


• Ekintza faxista horiek kaltetutako pertsonei gure babesa adierazi eta laguntza ematea.


Getxon, 2009ko urriaren 26an"

Labels: Getxo ultraeskuindiar espainiarra

Aitor Agirregabiria (Flickr) getxoztarraren argazki ikusgarria.

Labels: Aitor Agirregabiria, Bizkaiko zubia, zintzilikari