Imanol Landaren bloga

PDF fitxategiaren deskarga con las ayudas de la ORDEN INT/277/2008, de 31 de enero


Desarrolla el Real Decreto 307/2005, de 18 de marzo, por el que se regulan las subvenciones en atención a determinadas necesidades derivadas de situaciones de emergencia o de naturaleza catastrófica, y se establece el procedimiento para su concesión.

PDF fitxategiaren deskarga con las ayudas del Real Decreto 477/2007, de 13 abril.


Modifica el Real Decreto 307/2005, de 18-3-2005 (RCL 2005\572), que regula las subvenciones en atención a determinadas necesidades derivadas de situaciones de emergencia o de naturaleza catastrófica, y se establece el procedimiento para su
concesión.

PDF fitxategiaren deskarga con las ayudas del Real Decreto 307/2005, de 18 marzo.


Regula las subvenciones en atención a determinadas necesidades derivadas de situaciones de emergencia o de naturaleza catastrófica, y se establece el procedimiento para su concesión.

Labels: barne ministeritza, uholdeak

PDF fitxategiaren deskarga dirulaguntza eskaera betetzeko Getxo udaletxeko Hiritarren Arreta Gunean aurkeztu beharreko dokumentuak.

Labels: dokumentuak, Getxo udaletxea, uholdeak

PDF fitxategiaren deskarga dirulaguntzen informazio laburpenarekin.

Labels: dirulaguntzak, Getxo udaletxea, informazioa

PDF fitxategiaren deskarga Getxoko Udaletxeak ekainaren 1 eta 8ko uholdeek kaltetutakoentzako udal languntzekin.

Labels: Getxo udaletxea, uholdeak

Salsidu kaleko arrapala mekanikoak, Algortako beheko aldea goikoarekin lotzen dutenak, gaur eguerdiaz geroztik dabiltza. Egitasmo honetan Udalak 1,8 milioitik gora euro inbertitu ditu eta Irisgarritasun udal Plangintzaren harira gauzatu da. Planaren helburu nagusia da mugitzeko zailtasunak dituzten pertsonei kalean aurkitu ohi dituzten hesi eta oztopoak kentzea. Gaur egun pozgarria da beraz inguruko auzokideentzat arrapala hauek ibiltzeak Salsiduko aldapa bezalako hesi arkitektoniko natural bat gainditzea dakarrelako eta era berean, Algortako erdigunera eta garraiobide publikoen erabilera sustatu eta Metrora iristeko bidea errezten duelako. Udalak dagoeneko egin ditu antzeko beste lan batzuk Algortan, Bidezabalgo arrapalak eta ereagako igogailua kasu.

220 metro inguru arrapala egin dira, 9 zatitan banatuta. Hiru bidegurutze – hauetan oinezkoentzako pasabideak ipini dituzte- eta 16,5 metroko malda gainditzen dituzte arrapala hauek.
Lehenengo 2 zatiak Makaletako-Ollarretxe eta Iturgitxi kaleen artean ipini dira. Ondorengo 3ak Iturgitxi eta Kasune kaleen artean daude kokatuta. Beste 3 arrapala gehiago Kasunetik Illetara arte doaz, eta, azkenik, azkeneko 2 tarteak Illetatik Bolue kaleraino doaz.
Arrapala mekanikoak goizeko 7etatik gaueko 11ak arte ibiliko dira. Zaintza sistema bat eta Udaltzaingoko zerbitzari batean zentralizatuta dagoen teleagingailu sistema bat ipini dituzte bertan. Hortara, behar izatekotan, Udaltzaingoak bere egoitzatik bertatik gelditu edo martxan ipini ahal izango ditu arrapalak. Horrez ganera, hormigoi armatuzko hesia dute alboan oinezkoak autoetatik babesteko.
Zirkulazioari dagokionez, noranzko bakarreko bidea izango da igotzeko eta Ollarretxe/Makaletako eta Gaztelumendi/Iturgitxi arteko tartean lerroan aparkatzeko gunea utzi dute.

Arrapalekin batera Salsidu kalean beste urbanizazio lan batzuk egin dira, berbarako, 2 metrotik gorako zabalera duten espaloi berriak atondu dituzte, oinezkoentzako pasabideetan eta gune berezietan botoidun baldosak dituztela, indarraldian dagoen irisgarritasunaren ganeko legediak agintzen duena betez.

Labels: arrapala mekanikoak, salsidu

Getxoko Udalak uztailaren hasieran haurrentzako jolas berriak jarriko ditu Areetako Eskoletako plazan. Inguruko zabuak erabiltzen dituzten haur batzuek aukeratutako kulunka berriak era desberdin batean ipiniko ditu eta horiekin batera, ezintasunak dituzten pertsonentzako jolas egokituak ere jarriko ditu Udalak eta kultur ekitaldiak eta jaiak ospatzen segitu ahal izango da. Gainera Laguntasun eta Paulino Mendibil kaleen arteko gurutzebidetik sarbideak hobetuko ditu eta hiri hornigarriak jarri ere. Horren helburua da plaza erabiltzen duten pertsona guztien arteko elkarbizitza erraztea.
Andra Mariko Malakate parkean egin genuen bezala, unean uneko ekintzak egiteko inguruko erabiltzaileen iritziak kontuan hartu nahi ditugu, plazak eta gune publikoak ezaugarri guztietako pertsonek erabil ditzaten eta belaunaldi desberdinen arteko elkarbizitza hobetzeko ere. Ildo horretan, jolasen kokalekuaren aldaketa aprobetxatuko da toki zailenetan elkarbizitza zaintzeko, esate baterako, futbola, eta skate eta bizikletetarako. Ez dugu debekatuko baina bai arautuko. Futbol partidak jolastu ahal izateko gune alternatiboak bilatu behar ditugu, lehenengo azterketek erakutsi baitute administrazioak ahaztutako adin tarte bat dagoela.
Haurrentzako jolas berrien gastua 32.000 eurokoa izango da. Eskoletako plazan bertan dagoen ludoteka aprobetxatu da zabuak kokatzeko. 5 eta 12 urte arteko haurren laguntza eduki du Udalak, lehiaketa publikora sei enpresek aurkeztutako proposamenak jolasen bidez erakutsi baitzizkieten. Ondoren haur guztiek aho batez aukeratu zuten proposamen berbera. Haurrek forma, kolorea, lurzoru motak eta funtzio anitzeko guneak bereziki hartu dituztela kontuan esan dezakegu.

Labels: haurrak, jolasak

PDF fitxategiaren deskarga Eusko Jaurlaritzak uholdeak direla eta ematen dituen dirulaguntzekin.



EHAA - 2008ko ekainak 18, asteazkena


107/2008 DEKRETUA, ekainaren 10ekoa, EAEn izandako ohiz kanpoko uholdeak direla-eta, aparteko laguntzak prestatzeko dena.

Labels: eusko jaurlaritza, uholdeak

www.euskadi.net

Gobernu Kontseiluak maiatzaren 31an eta ekainaren 1ean jasandako uholdeek eragindako ondorioei aurre egiteko diru laguntzak erregulatzen dituen Dekretua onartu du. Diru laguntzak Euskadiko industria, merkataritza, zerbitzu, ostalaritza eta turismo, nekazaritza ustiategi, eraikuntza eta etxebizitzaren sektoreetan eragindako kalteak ordaintzeko izango dira, eta baita ibilgailuetan eragindakoak ere.

Bideratuko diren laguntzen bitartez, kaltetuak gertatu diren aktiboak konpontzera edo ordezkatzera zuzenduko diren entitate finantzarioen kredituen interes neurriaren bost puntuko laguntza ordainduko du Jaurlaritzak, eta honela, eskatuko diren kredituen interesak, ia osotasunean, Administrazioak ordainduko ditu.

Halaber, erabateko hondamena izan duten ibilgailuen jabeei, Jaurlaritzak gehienez 2.000 euroko laguntza zuzena emango die beste ibilgailu bat erosteko.

Honako laguntza neurriak bateragarriak izango dira beste Administrazio Publikoek emango dituztenekin, eta uholdeek eragindako zenbatekoa eta kalteen zehazketaren kreditatze lana Administrazioak burutuko du ofiziozko zerbitzua eskainiz, laguntza-eskaera bideratu nahi duten kaltetuei betebeharreko lana erraztearren.

Laguntza modalitateak

Beraz, dekretu honen diru laguntzak bi eratakoak izango dira, alde batetik, bi motatako maileguen interesak ordaintzeko laguntzak eta, bestetik, erabat kaltetua izan diren ibilgailuak ordezkatzeko ibilgailu berria erosteko diru laguntza.

Etxebizitzen eta eraikitzen ari direnen kalteak ordaintzeko maileguak.

Jaurlaritzak honako kontzeptuetarako maileguetan lagunduko du: etxebizitzen eraikinetako gune komunetako kalteak konpontzera edo ordezkatzera zuzenduko den mailegu kopuruan; etxebizitza, garaje eta trastelekuetako elementu pribatuetako kalteak konpontzeko kopuruan; eta eraikitzen ari diren etxebizitza edota urbanizazioetako kalteak konpontzeko.

Industria, merkataritza, nekazaritza, zerbitzu eta turismo sektoreei zuzendutako maileguak.

Aipatutako sektoreei zuzendutako maileguetan Jaurlaritzak honako kasuetan lagunduko du: uholdeen ondorioz kaltetutako aktibo finkoak konpontzeko edo ordezkatzeko maileguetan, eta aktibo zirkulatzaileak ordezkatzera zuzenduko diren maileguetan.

Ibilgailua erosteko diru laguntza zuzena.

Erabat kaltetuak izan diren ibilgailuen jabeen kasuan, ibilgailua erosteko gehienez 2.000 euroko diru laguntza jaso ahal izango dute.

Diru laguntzen eskaerak non eta nola bideratu.

Laguntzak eskatu ahal izateko, kaltetu gisa aitortu izana beharrezkoa da eta Dekretuarekin atxikita datozen eskaera inprimakiak aurkeztu behar dira.

Eskaerak egiteko epea 2008ko urriaren 31an agortuko da.

Inprimakiak eta informazioa eskatzeko guneak:

o www.ejgv.euskadi.net
o 012 telefonoa: Zuzenean, Herritarrei erantzuteko Zerbitzua.

Dokumentazioa aurkezteko eta inprimakiak eta informazioa eskatzeko gunak:

o Eusko Jaurlaritzaren egoitzak: Zuzenean, herritarrei erantzuteko zerbitzu guneetan.

- Vitoria-Gasteiz, Samaniego kalea, 2
- Bilbao, Gran Vía, 85
- Donostia-San Sebastián, Andia Kalea, 13.

o Industria, Merkataritza eta Turismo Saileko Lurraldeetako Bulegoetan:

- Vitoria-Gasteiz, Samaniego kalea, 2.
- Bilbao, General Concha, 23.
- Donostia-San Sebastián, Easo kalea, 10.

o Etxebizitza eta Gai Sozialetarako Saileko Lurraldeetako Ordezkaritzak:

- Vitoria-Gasteiz, Samaniego kalea, 2.
- Bilbao, Gran Vía, 85.
- Donostia-San Sebastián, Andia Kalea, 13.

o Lurraldeetako Trafiko Bulegoak:

- Vitoria-Gasteiz, Samaniego kalea, 2.
- Bilbao, Ercilla kalea, 4.
- Donostia-San Sebastián, San Marcial kalea, 12

Labels: eusko jaurlaritza, uholdeak

PDF fitxategiaren deskarga Bizkaiko Foru Aldundiak uholdeak direla eta ematen dituen dirulaguntzekin.



BAO. 113. zk. 2008, ekainak 13. Ostirala

Udal Harremanen eta Herri Administrazioaren foru diputatuaren 4265/2008 FORU AGINDUA, ekainaren 11koa; horren bidez duela gutxi izan diren berebiziko uholdeek eragindako kalteen ondorioak arintzeko presako neurriei buruzko ekainaren 10eko 3/2008 Foru Dekretu Arauemailean jasotako neurriak zein udalerriri eta biztanle-guneri aplikatuko zaizkien zehaztu da.

Labels: Bizkaiko foru aldundia, uholdeak

www.bizkaia.net

Bizkaiko Foru Aldundiaren Gobernu Kontseiluak orain dela gutxi izandako uholdeek eragin dituzten kalteak arintzeko neurriei buruzko foru dekretu arauemailea onartu du. Horrez gainera, foru dekretu horri dagokion foru agindua ere onartu du, kaltetu ziurtagiria lortzeko prozedurari buruzkoa. Ibaiek eta errekek gainezka egin dute oraintsu, eta horrek kalteak eragin ditu ekoizpenetan, azpiegituretan, zerbitzu publiko eta pribatuetan, etxebizitzetan, industrietan eta saltokietan. Horrela, bada, laguntza horien helburua kalte horiek arintzea da.

Alde batetik, neurri batzuk hartu dira zergen arloan, kalteak izan dituzten herritarrei horien zama jasaten laguntzeko. Beste alde batetik, berebiziko uholdeen ondorioz gertatu diren egoerei erantzuteko behar diren kreditu osagarrietarako baimena eman da. Kreditu horien kopurua 30 milioi euro izango da, eta kopuru hori handitu egin daiteke. Horrekin batera, zuzeneko laguntza bat ere ezarri da, honako bi alderdi hauetarako: uholdeetan kalteak jasan dituzten ibilgailuen ezbehar-deklarazioa, eta ibilgailu horien ordezkoek ordaindu behar duten Zenbait Garraiobideren gaineko Zerga Berezia.

Foru dekretu arauemaile horretan ezartzen diren zerga neurriak 2008ko maiatzaren 31tik hona Bizkaiko Lurralde Historikoa erauntsi duten berebiziko uholdeen kalteak konpontzeko aplikatuko dira. Udal Harremanen eta Herri Administrazioaren foru diputatuak sinatuko duen foru agindu batean zehaztuko da zein diren uholde horien ondorioz kaltea jasan duten udalerriak eta herriguneak, dekretu honetako neurriak aplikatuko zaizkienak. Foru dekretu horretan araututako neurriak aplikatzeko, toki bakoitzeko udalak emaniko ziurtagiria eduki beharko da. Ziurtagiri horrek bakoitzak jasandako kalteak egiaztatuko ditu.

Neurri horiek aplikatzeagatik udaletan zergen diru-sarrerak gutxitzen badira, alde hori Bizkaiko Foru Aldundiak konpentsatuko du, Lurralde Historikoko Aurrekontu Orokorretatik ordainduta.

Honako neurri hauek onartu dira besteak beste:

-2008ko ekitaldian, landa izaera duten Ondasun Higiezinen gaineko Zergaren kuotak ordaintzetik salbuetsita egongo dira nekazaritzako, abeltzaintzako eta basogintzako ustiategiak; eta hiri izaera duten Ondasun Higiezinen gaineko Zergaren kuota ordaintzetik salbuetsita egongo dira etxebizitzak, merkataritza eta industria tokiak, laneko lokalak eta horien antzekoak.

-2008ko ekitaldian, Ekonomi Jardueren gaineko Zergaren kuota ordaintzetik salbuetsita egongo dira kalteak hartu dituzten industria, merkataritza eta laneko negozio-lokalak edo jarduera horiei loturiko ondasunak.

-Norbere borondatez ordaintzeko epea 2008ko ekainaren 2a eta abenduaren 31 bitartean duten zerga zorrak 2009ko ekainaren 25 arte geroratu ahalko dira, bermerik eman gabe eta berandutze interesik ordaindu gabe.

-Jarduera ekonomikoak egin eta Pertsona Fisikoen Errentaren gaineko Zerga ordaintzen dutenek (etekin garbia zehazteko metodoa edozein dela ere) ez dute Foru Ogasunean 2008ko bigarren, hirugarren eta laugarren hiruhileetako zatikako ordainketarik autolikidatu eta ordaindu beharko.

-PFEZren zeinu, indize edo modulu modalitatea ezartzen zaion jarduera ekonomiko bat egiten duten zergapekoek zeinu, indize edo moduluak murrizteko eskatu ahalko dute. Halaber, Balio Erantsiaren gaineko Zergaren erregimen sinplifikatua ezartzen zaien zergapekoek indizeak edo moduluak murrizteko eskatu ahalko dute.

-Automobil berrietarako zein erabilietarako, Bizkaian egiten den behin betiko lehenengo matrikulazio bakoitzeko 1.200 euro arteko laguntza emango da, baldin eta automobil horiek 1. artikuluak aipatzen dituen uholdeetan erabateko hondamena izan duten autoak ordezteko erosi badira.


Neurri aringarri horiek aplikatu ahal izateko, udal bakoitzak herritarrak hartutako kalteak egiaztatzen dituen ziurtagiria eman beharko du. Interesdunen eskubidea izan daitezken zergen arloko neurriak onartzeko beharrezkoak diren izapide burokratikoak murrizteko, eta kaltetutako guneetako udal guztiek eman beharreko ziurtagiriak homogeneizatzeko, Gobernu Kontseiluak behar diren neurrien inguruko eskabideak eta kontzesioak justifikatzeko agiri bakar bat onartu du.

Labels: Bizkaiko foru aldundia, uholdeak

berria.info

Cecilia Garcia de Gilarte euskal kazetaritzaren historiako lehen gerra berriemailea izan zen. Haren bizitzaren inguruko liburua argitaratu dute, Santxo Beurko historia elkartearen ekimenez. Gaur aurkeztuko dute Tolosan (Gipuzkoa), kazetariaren jaioterrian.

1915. urtean jaio zen Garcia de Gilarte, langile sendi batean, eta gaztetatik bat egin zuen ideia anarkistekin. 1936ko gerra hasi zenean, CNTko kazetarentzat hasi zen lanean, Gipuzkoa eta Bizkaiko frontearen berri ematen. Lubakietan ibili zen, milizianoen bizimodu eta borrokamoldeak gertutik ezagutzeko. Santander eta Asturiasko fronteetan (Espainia) aritu ondoren, erbestera ihes egin behar izan zuen 1939an, Mexikora. Julen Lezamizek eta Guillermo Tabernillak idatzi dute kazetariaren biografia.

Dantza. Cecilia Garcia de Guilarte, reporter de la C. N. T. liburua aurkeztuko dute Julen Lezamizek, Ana Ruizek eta Andoni Iturzaetak.
Lekua: Tolosako udaletxea (Gipuzkoa).
Noiz: Gaur, 19:30ean.

Labels: Cecilia Garcia de Gilarte, kazetaritza

Getxoko udaletxeko udal talde gobernua osatzen dugunok ondoko neurri hauek hartu ditugu ekainaren 4ko goiz honetan bertan:

1)Itzuli beharrik gabeko laguntza lerroa bideratuko da beren etxeetan kalteak izan dituzten auzotarrentzat. Getxoko Udalak etxeko konponketak ordainduko die asegururik ez dutenei edo, izatekotan ere, aseguruak konponketa osoa ordaintzen ez dietenei.

2)Laguntza hauei beste neurri osagarri batzuk gehituko zaizkie: ondoko zerga edo tasa hauen kostoaren pareko diren dirulaguntzak emango dira:

•Kaltetutako etxebizitzei dagokienez: IBI (Ondasun Higiezinen ganeko Zerga), Bizkaiko Foro Aldundiarekin koordinazioan; Zaruma tasa, uraren eta estolderiare ordainagiria, guztiak ere 2008ko urtekoak.

•Kaltetutako saltokiei dagokienez: Udalak hauen egoera zehatza aztertuko du neurri berriak hartu aldera, baina ondoko zerga edo tasa hauen kostoaren pareko diren dirulaguntzak emango dira: zarama, ura eta estolderia eta IBI zerga, guztiak 2008ko urteari dagozkionak.

•Uholdeek kaltetutako kotxeei dagokienez, 2008 urteko ibilgailuen ganeko zerga ez dute ordaindu beharrik izando eta ordainagiri bitartez itzuliko zaie ordaindutakoa. Bizkaiko Foru Aldundiak matrikulazio zerga ez ordaintzeko beharraren ganean hartutako nerruriari gehituko zaio.

•Beren etxeetatik atera eta hoteletara eta beren familien etxeetara eramandako pertsona eta familien kasuan, kontuan hartuta ganera ezin izango dutela bueltatu beren etxeetara hauek konpondu artean, Udalak aseguru-etxeek aldi baterako ostatu aldiak ordainduko ez dituzten gastuak kudeatu eta ordainduko ditu.

Neurri hauek guztiak bereala garatze aldera, Gobernu Taldeak arlo askotako taldea osatu du. Gaurdanik lanean ari da taldea etxebizitzak aztertu eta zein egoeratan dauden jakiteko.

Kaltetuen erregistroa ere osatu da udaltzaingoaren egoitzan, Makaletako etorbideko 56an (Aiboako institutu zaharrean), bere ordutegia 8:00etatik 21:00ak artekoa dela. Erregistro berau aurkitu ahal da ere Erromoko Aurrezki Kutxa kalea,13ko, Foruak kaleko 1ean dagoen Udaletxean, Algortako Juan Bautista Zabala 13ko eta Andra Mariko Benturillena 17ko Herritarren Arretarako Bulegoetan. Bulego hauen ordutegia honako hau: 8:00etatik 13:30ak arte.

Kaltetutako auzokideek, beren datu pertsonalak ezezik, Aseguruen Konpentsaziorako Partzuergoan emandako aitortze-agiriaren kopia aurkeztu beharko dute.

Labels: Getxo udaletxea, uholdeak