Bihar, urtarrilak 26 Korrika Getxotik pasatzen da. Duela bi urte, Algortan egon nintzen Udaleko langileekin batera kilometro bat egiten. Aurten ezin izango dut bertan parte-hartu, Bilbon Lehendakariaren aldeko manifestazioa daukagulako. Edozein kasutan, euskaltzale guztiok animatzen ditut, ekimen honetan parte-hartzera, nola ez. Denok euskararen alde!
ETBk informatu duen bezala, Iparraldeko politiko eskuindar frantsesek ere lagundu dute ekimen honetan. Hegoaldean, ostera, PPk kontra egiten du. Bistan dagoena: PP alderdian Espainiako eta EAE eta Nafarroako eskuin muturrekoek agintzen dute, hau da, Durango eta Gernika bonbardatu zutenen oinordekoak edo lagunak. PP ez da eskuin demokratikoa, eta EAJren aliatuak inoiz ez daitezela izan horrelakoak! Bestelakoa da, aldiz, oposizio demokratikoa EAEn eta Nafarroan: PSOE, EA, Aralar eta EB. Euskera altxor kulturala da guztientzat, PPrentzat izan ezik.