Getxoko Udalaren Euskara Zerbitzuaren eskutik, Algortan dugun Bizkaiko bertsolari txapeldunak omenaldi polita jaso zuen aurreko asteko ostegunean, urtarrilak 18, Villamonteko Kultur Etxean. Ekimenaren formatoak eta, batez ere, bertan parte hartu zituztenek, giro eta kutsu guztiz herrikoia eta hurbila eman zioten homenaldiari. Horrela, Elena Coria zinegotziak, hasierako aurkezpena egin zuen eta segidan jendeaurrean pasa ziren Itsaso Paia, Trino Azkoitia, Josu Landeta, Joseba Santxo, Miren, Xabier Amuriza eta Jon Lopategi, euren gogoetak eta zorionak adieraziz. Amaitzeko Xabik berak hartu zuen hitza, beno, hitza ez bertsoa baizik, eta itxiera ezinhobea eman zion ekitaldiari, emozioz beteta. Ekimena ondo bukatzeko lunch txiki bat antolatu zen eta bertan geunden euskaldunon artean sortu zen giro atseginaz gozatzeko aukera eduki genuen guztiok. Segi horrela Xabi, eta zorionak zeure inguru hurbilean egon diren eta dauden guztiei. Eurak izan ziren homenaldiari arima eta bizia eman zizkiotenak. Labels: bertsolaritza
Artikuluak duen iruzkin kopurua: 0 “Xabi Paya, omenaldia Getxon”
Post a CommentPost honi egindako loturak
Create a Link